Analiza e Policisë Tiranë, në 2016- ën 18 vrasje, vetëm njëra e pazbardhur
Hodaj: 4 vrasje për hakmarrje, 7 vrasje në familje
Edhe
pse për policinë viti që lamë pas u cilësua si një vit suksesi, për sa u përket rendit dhe sigurisë në Tiranë, gjatë 2016ës ka pasur 6 vrasje më shumë se në vitin 2015. Në prezantimin e analizës vjetore, drejtori i Policisë së Tiranës, Ervin Hodaj tha se në 2016- ën kanë ndodhur 18 vrasje, nga të cilat 17 janë të zbuluara dhe të dokumentuara; 14 vrasje kanë ndodhur në Tiranë dhe 4 të tjerat në Kavajë. Sipas tij, pjesa dërrmuese e vrasjeve janë për motive xhelozie, familjare apo motive banale të çastit. "Nga 18 vrasjet, 4 vrasje janë, ajo e Elton Çiços, Skënder Alukut, Vasil Biba dhe Ajet Zeqaj. Tri të parat të zbuluara, janë me motive hakmarrjeje. 5 vrasje janë për motive banale të çastit, 2 për motive pronësie dhe 7 vrasje në marrëdhënie familjare, për shkak të xhelozisë ose konflikteve familjare", - tha Hodaj. "Në territorin e Tiranës janë evidentuar dhe referuar 12.061 ngjarje, nga të cilat janë zbuluar dhe doku- mentuar 11.086 me fuqi zbuluese 92%", - theksoi ai. Gjithashtu, Hodaj tha se në raport me vitin 2015 evidentohen 907 ngjarje më pak, dhe rritje e fuqisë zbuluese të policisë me 3%. Drejtori i Tiranës foli edhe për punën e Policisë Rrugore, ku kërkoi angazhimin maksimal të tyre për uljen e numrin të aksidenteve si dhe ndërgjegjësimin e qytetarëve pasi gjatë vitit 2016, ku 58 persona të aksidentuar
ANALIZA VJETORE
135 866 masa administrative, 10 134 për mospërdorim të rripit të sigurimit. 698 aksidente me pasoja: 58 persona kanë humbur jetën, 128 persona të plagosur rëndë dhe 657 persona të plagosur lehtë. 12061 ngjarje të evidentuara, 11086 të zbuluara. 18 vrasje, 17 janë të zbuluara. 171 parcela dhe 66929 bimë narkotike të asgjësuara.
kanë humbur jetën dhe 128 persona janë plagosur rëndë. "Nga shërbimet e Policisë Rrugore janë vendosur 135.866 masa, me vlerë 130 505 376 lekë dhe janë arkëtuar 108.165 masa, me vlerë 141 536 850 lekë. Gjithashtu janë vendosur 10.134 masa administrative për mospërdorim të rripit të sigurimit. Për vitin 2016, kanë ndodhur 698 aksidente me pasojë 58 persona të cilët kanë humbur jetën, 128 persona të pla-
gosur rëndë dhe 657 persona të plagosur lehtë, krahasuar me vitin 2015 ku kanë ndodhur 557 aksidente me pasojë 42 persona që kanë humbur jetën", - tha Hodaj. Sipas drejtorit të Policisë së Tiranës, viti që lamë pas ishte i suksesshëm edhe për punën e kryer nga Seksioni i Narkotikëve, ku policia u fokusua në reduktimin e përdorimit të drogës sidomos në ambiente publike, lokale dhe shkolla.