Ligji antiduhan, inspektorati gjobit 26 lokale në kryeqytet
ISHSH: Masat administrative, në 2 ditë
3nspektorati
Shtetëror Shëndetësor ka gjobitur 26 lokale, që janë gjetur në shkelje të ligjit "Për mbrojtjen e shëndetit nga produktet e duhanit". Masat administrative janë vendosur në subjekte që zhvillojnë aktivitetin në kryeqytet, ndërkohë që monitorimet janë zhvilluar në datat 18 dhe 19 janar. Edhe para pak ditësh, ISHSH- ja ndërmori të njëjtat masa penalizuese për subjekte që u gjendën në shkelje të ligjit antiduhan. Për herë të parë, me ndryshimet që pësoi ky ligj në vitin 2014, u parashikuan gjoba edhe për duhanpirësit. Masa e gjobës është 5.000 lekë të reja, ndërkohë që objekt i gjobitjes janë edhe administratorët e lokaleve. Sipas ndryshimeve, për shkeljen e nenit të ri ku përcaktoheshin mjediset ku ndalohet pirja e duhanit, parashikohet gjobitja e subjekteve të tatueshme me 300 000 lekë, 50 000 lekë gjobë për perso- nin përgjegjës në institucionet publike si dhe 50 000 lekë për administratorin në banesat me bashkëpronësi të detyrueshme. Po ashtu, ligji i ri përcaktonte se pronari ose administratori i mjediseve ku ndalohet duhani është personi përgjegjës për vendosjen në një vend të dukshëm të listës së trupave inspektuese për mbrojtjen e shëndetit nga produktet e duhanit, të shenjave të dukshme, që tregojnë se pirja e duhanit në këto mjedise është e ndaluar, si dhe të heqë e të mos lejojë vendosjen e tavllave të duhanit në këto mjedise. Shkelja e këtij neni dënohet me 300 000 lekë gjobë për subjektin e tatueshëm dhe 50 000 lekë gjobë për administratorin apo personin e caktuar përgjegjës.