Universiteti i Mjekësisë, kriteret e pranimit për vitin 2017- 2018
Lëndët formuese kanë 30% të pikëve, 70% i kanë mesatarja e gjimnazit dhe matura Kusht për aplikimin e maturantëve, mesatarja mbi 8
Universiteti i Mjekë sisë Tiranë ( UMT) ka miratuar kriteret e pranimit për vitin akademik 2017- 2018. Sipas njoftimit të UMT- së në vendimin e datës 18 janar, përcaktohet se kriteret e pranimit janë të njëjta si vitin e shkuar, ku 35% të pikëve kandidatët i marrin nga nota mesatare aritmetike e tri viteve të gjimnazit, 35% nga nota mesatare e provimeve të Maturës Shtetërore dhe 30% nga lëndët formuese. Ndërkohë që, kusht edhe për maturantët e këtij viti është që, për të aplikuar në këtë universitet duhet që maturantët ta kenë notën mesatare aritmetike të shkollës së mesme për të gjitha vitet 8.5 për programet mjekësi, farmaci stomatologji, dhe 8 për programet e studimit në infermieri. Një tjetër vlerësim maturantët do të kenë edhe për llojin e shkollës së mesme ku kanë përfunduar gjimnazin, pasi me koeficient të lartë 1.4 është gjimnazi dhe seksionet dygjuhëshe, ndërsa llojet e tjera të shkollave, siç janë ato profesionalet, vlerësohen me koeficient 1. Në tabelat bashkëngjitur shkrimit janë detajet e vlerësimit të shkollave si dhe kriteret e aplikimit në Universitetin e Mjekësisë.
MJEKËSIA & KRITERET
Senati Akademik në Universitetin e Mjekësisë Tiranë, në datën 18 janar ka miratuar kriteret e pranimit të studentëve për vitin akademik 2017- 2018. Sipas vendimit të UMT- së, kriteret e pranimit të studentëve në ciklin e parë ( Bachelor) dhe në ciklin e dytë të integruar në Universitetin e Mjekësisë Tiranë janë: Nota mesatare aritmetike e provimeve të Maturës Shtetërore 35%; nota mesatare aritmetike e shkollës së mesme ( për të gjitha vitet) 35%; dhe nota mesatare aritmetike e lëndëve formuese, të zhvilluara gjatë viteve të shkollës së mesme, 30%.
Lëndët formuese që preferon Universiteti i Mjekësisë janë 3: Kimi 10%, Biologji 10% dhe Fizikë 10%. Lëndët formuese të cilave
UMT- ja u ka dhënë 30% të peshës nuk duhet të ngatërrohen me provimet me zgjedhje që do japin maturantët në provimin e maturës. Si provime me zgjedhje maturantët duhet të zgjedhin lëndët që janë të sigurt se i marrin notë të mirë, pasi matura është provim dalës nga gjimnazi dhe nuk ka rëndësi lënda që
zgjedh një kandidat, por nota që ai merr. Veç kritereve të sipërpërmendura, maturantët që do të aplikojnë në programet e studimit të ciklit të parë dhe ciklit të dytë të integruar në Universitetin e Mjekësisë, duhet të plotësojnë patjetër kriterin e mesatares, e cila varion në bazë të fakulteteve. Fakulteti i Mjekësisë, ku përfshihen programet e studimit Mjekësi, Farmaci, Shëndet Publik, dhe Fakulteti i Mjekësisë Dentare, ku përfshihet dega Stomatologji, kanë si kriter për aplikim notën mestarë 8.5, ndërsa Fakulteti i Shkencave Mjekësore Teknike, ku përfshihen profesionet e infermierisë, mamisë, teknik laboratori, logopedi dhe imazheri, e kanë pak më të ulët mesataren e aplikimit, pasi është 8. Koeficientët sipas llojeve të shkollave të mesme që do të aplikohen për vlerësimin e kandidatëve që aplikojnë për të gjitha programet që ofron Universiteti i Mjekësisë Tiranë i keni në tabelën e mëposhtme, ku vlerësim me koeficientë 1.4 kanë: gjimnazi; seksionet dygjuhëshe shqip- frëngjisht, shqip- italisht dhe shqip- gjermanisht.