Propagandonte ISIS në shkollë, arrestohet mësuesja
Drejtori i Medresesë reagon pas publikimit të videos: Distancohemi nga deklaratat e mësueses Emine Alushi Bashkëshortja e menaxherit të Myftinisë Shkodër jepte lëndën e Kuranit MAS: E papranueshme përhapja e pikëpamjeve ekstremiste
Emine Alushi, mësues ja e cila propagadon te ISIS tek nxënësit e saj në Medresenë "Haxhi Sheh Shamia" të Shkodrës ka përfunduar në pranga. Ajo u arrestua në orët e para të mëngjesit të djeshëm nga policia e qytetit verior në bashkëpunim me Drejtorinë e Antiterrorit në Policinë e Shtetit, pasi në videon e publikuar mbrëmjen e së mërkurës në emisionin "Stop", mësuesja i thoshte njërës prej nxënëseve se ISIS është një organizatë e mirë dhe se mbron popullin e Sirisë, Egjiptit dhe Palestinës. Burime zyrtare nga blutë e Shkodrës bënë me dije se Alushi u prangos në banesën e saj pak orë pas publikimit të skandalit dhe konkretisht rreth orës 01: 00. Sipas hetuesve të çështjes, biseda e zhvilluar mes nxënëses së cilës i dëgjohet zëri dhe mësueses që i përgjigjet nuk është bërë gjatë një ore mësimi dhe as brenda klasës, por në një moment pushimi në mjediset e hapura që shkolla posedon. Po të njëjtat burime deklaruan se rreth orës 07: 00 të ditës së djeshme është dërguar drejt Tiranës tek njësia e Antiterrorist, pasi çështja në ngarkim të saj do t'i kalojë Prokurorisë së Krimeve të Rënda. Ndërkaq, mësohet se Emine Alushi punonte si zëvendësuese në Medresenë e vajzave të Shkodrës dhe se regjistrimi i videos është bërë në vitin 2015. Pas këtij viti, Alushi, për shkak të mungesës së orëve nuk ka mundur të vijojë më tej punën si mësuese në Medresenë "Haxhi Sheh Shamia". Një fakt i tillë është bërë me dije nga burime zyrtare të Drejtorisë Rajonale të Arsimit në Shkodër. Sipas DRA, Emine Alushi që nga 2015- ta nuk e ka ushtruar profesionin në shkolla të tjera të Shkodrës. Mësuesja e arrestuar gjatë kohës kur ishte në Medrese si zëvendësuese jepte lëndën fetare të librit të shenjtë të Kuranit. Ajo është nënë e tre fëmijëve, ndërsa është bashkëshortja e Blendi Alushit, që punon si menaxher në Myftininë e Shkodrës. Deri tani komunitetet fetare në Shkodër, mes të cilave edhe Myftinia nuk kanë bërë asnjë reagim apo s'kanë mbajtur asnjë qëndrim. Edhe familjarët e Emine Alushit momentalisht kanë vendosur që të mos flasin për këtë çështje.
Nëna e tre fëmijëve ishte mësuese e Kuranit, pasi është diplomuar për teologji në Fakultetin e Studimeve Islame në Prishtinë në vitin 2009 dhe rezulton e martuar
prej vitit 2000 me Blendi Alushin, menaxher në komunitetin mysliman në Shkodër. Në faqen e saj në "Facebook", mësuesja ka të publikuara lajme që lidhen me Sirinë, lutje dhe solidaritet për viktimat atje si dhe fotografi të Pas
arrestimit të mësueses në Shkodër, ka reaguar edhe Ministria e Arsimit dhe Sportit. Sipas ministrisë, përhapja e pikëpamjeve ekstremiste nëpër shkolla është e papranueshme. "MAS e dënon me forcë rastin dhe e konsideron të papranueshëm këtë përpjekje radikale për të përhapur pikëpamje ekstremiste gjatë një ore mësimore, si dhe kërkon nga organet kompetente marrjen e masave të plota për të verifikuar të gjitha rrethanat që qëndrojnë prapa tij. Shkollat tona kanë qenë, janë dhe do të mbeten institucione që kultivojnë vlera të larta demokratike dhe atdhetare tek brezi i ri i vendit, duke refuzuar çfarëdo përpjekjeje për radikalizëm apo ekstremizëm", thuhet në reagimin e Ministrisë së Arsimit. Gjithashtu, në këtë reagim citohet se MAS- i dhe agjencitë vartëse të saj kanë monitoruar dhe vlerësuar vijimisht procesin mësimoredukativ dhe rezultatet e tij, në të gjitha institucionet arsimore. Ndonëse MAS e konsideron si të shkëputur rastin në fjalë, ndërsa garantohet opinioni publik se do të merren masat e duhura për ruajtjen e hapësirave shkollore nga radikalizmi, dhuna dhe ekstremizmi.
udhëtimeve të saj në Mekë apo edhe nga aktivitete të ndryshme. Në këtë faqe mësuesja mbështet Ahmed Kalanë, imamin e xhamisë së Kavajës, që disa herë ka pasur përplasje mendimesh me KMSH si dhe është adhuruese e presidentit të Turqisë, Rexhep Taip Erdogan.
REAGIMI I MEDRESESË
Drejtori i Medresesë së Shkodrës, Kujtim Dervishi ka reaguar pas publikimit të videos ku shfaqet mësuesja Emine Alushi, e cila në vitin 2015 ka qenë pjesë e kësaj shkolle. "Në lidhje me videoregjistrimin e dhënë në emisionin investigativ ' Stop', mendimi i dhënë dhe ajo çfarë ka thënë mësuesja, subjekt i kësaj video nuk përfaqëson linjën zyrtare të Medresesë si institucion arsimor i KMSH dhe është krejtësisht e kundërt me atë
çfarë ofron dhe synon shkolla jonë në procesin edukativ", tha Dervishi. Ai u shpreh se Medreseja distancohet tërësisht nga ajo çfarë ka deklaruar mësuesja Emine Alushi. "Medreseja është institucion i shërbimit arsimor parauniversitar dhe vepron në bazë të legjislacionit shqiptar dhe filozofisë së KMS- së. Me këtë videoregjistrim dhe përmbajtjen e tij jemi njohur mbrëmjen e së mërkurës datë 18 janar 2017. Ne si staf drejtues dhe ai pedagogjik jemi distancuar menjëherë, qartë dhe unanimisht nga opinioni dhe mendimet e mësueses në fjalë. Theksojmë se kjo mësuese në periudhën që ka punuar në Medrese ka qenë me kohë të pjesshme dhe se këtë vit shkollor nuk është pjesë e stafit pedagogjik të shkollës", deklaroi Kujtim Dervishi.