"Të kthehet për plotësime, të merren parasysh vërejtjet e propozimet e shoqërisë civile"
Manjani, 40 vërejtje Kumbaros: Jo PPP- së, mungesë transparence, abuzim me fondet Ministri i Drejtësisë ‘ rrëzon’ ligjin, zbardhet letra: Nga këshillat e përkthimit, tek nenet që duhen riparë
ai ministres, parashikimi duhet të rivlerësohet nga ana juaj.
Mandej, ai shkruan se: "Parashikimi i pikës 4, të nenit 8. sipas së cilës shteti nxit dhe mbështet pjesëmarrjen e subjekteve private, individualisht apo e organizuar, sipas normave të parashikuara ligjore, në trashëgimisë kulturore, është i paqartë. Mos është ky një parashikim që i hap rrugën partneritetit publik privat në vlerësimin e trashëgimisë kulturore dhe aplikimit të këtij lloj partneriteti për shfrytëzimin publik të pasurisë dhe vlerave kulturore? Nëse po, një parashikim i tilla duhet rivlerësohet me kujdes".
Ministri Manjani thotë më pas se në nenin 40, pika 2 germa "F" normohet se KKMPK- ja harton, miraton dhe i propozon ministrit marrëveshjet e partneritetit publik- privat në lidhje me pasuritë kulturore. "Së pari, në lidhje me këtë çështje, nuk del qartë nevoja e dhënies me PPP të këtyre veprimtarive, si dhe nuk sqarohet as në relacion lidhja midis dhënies me PPP dhe përmirësimit dhe eficencës së këtyre shërbimeve. Pra, nuk rezulton në relacion të jetë bërë një studim në lidhje me efektivitetin dhe përmirësimin e cilësisë së këtyre shërbimeve, nëse jepen me PPP. Së dyti, nëse KKMPK- ja është organi që i harton dhe i miraton, atëherë cili është qëllimi që ia propozon ministrit, apo miratimi nga ana e ministrit mbi propozimin e KKMPK- së është vendimmarrje përfundimtare?", pyet ministri Manjani.
Duke sugjeruar edhe nevoja për riformulim, Manjani thotë se gjen edhe gjëra kontradiktore. "Në nenin 0, pika , germa "a", i gjejmë kontradiktore parashikimet e bëra në fjalinë e dytë. Së pari, cili është vendimi i Këshillit të Ministrave për Trashëgiminë kulturore? Kjo marrëveshje duhet të bëhet me Vendim të Këshillit të Ministrave, me propozim të ministrit përgjegjës, apo mund të lidhet direkt nga ministri si autoritet përgjegjës për këtë fushë? Pse është e nevojshme që kjo marrëveshje mes palëve të ratifikohet me ligj nga Parlamenti? Gjithashtu, i paqartë është edhe përdorimi i termit "ratifikim", e cila është një procedurë që ndiqet vetëm në rastin e marrëveshjeve ndërkombëtare, të cilat bëhen pjesë e sistemit të brendshëm juridik".
Ai thotë se është i paqartë se kush do të konsiderohen "partnerë strategjike". Sipas tij, edhe "vetë përkufizimi i dhënë në nenin 3 nuk është i qartë dhe përdorimi i termave të tille lë vend për interpretime subjektive të normës juridike, interpretime subjektive të normës juridike". Diku ai madje këshillon që: termi "akordon" të zëvendësohet me një term të përshtatshëm në gjuhën shqipe.
LICENCIMET
Sa u takon licencimeve, Manjani thotë se ndërsa ka shumë kompetenca për licencimin e subjekteve për veprimtari specifike, në projektligj mungojnë kritere objektive, qoftë në formë orientuese, që do të përdoren për të kryer licencimin e në vijim për të ushtruar këto veprimtari ( bëhet fjalë për firmat e restaurimit), ndaj kjo pjesë duhet rishikuar në tërësi.
PROKURIMI PUBLIK
Sa i takon parashikimit për financimin e veprimtarive kulturore të kësaj fushe të trashëgimisë kulturore, nuk u nënshtrohet rregullave për prokurimin publik, Manjani thotë se një ligj i mëparshëm i ka përcaktuar rastet që përjashtohen nga zbatimi i këtij të fundit dhe fusha e trashëgimisë kulturore nuk renditet si një fushë përjashtuese nga zbatimi i këtij ligjit. Gjithashtu, ai vlerëson se shmangia e procedurave të prokurimit publik në këtë rast krijon mungesë transparence dhe hapësira për abuzime me fondet publike. Mbi Fondin Kombëtar të Kujdesit të Trashëgimisë Kulturore në formën e një fondi financier publik konkurrues, qëllimi i krijimit, mënyra e administrimit dhe funksionimit, organi që e administron këtë fond është i paqartë shkruan ministri.
PASURIA E PRIVATI
Manjani shënon më tutje se "neni 22, pika 2, në rast të shkatërrimit të pasurisë kulturore pronë private, ngarkon pronarin si mbajtës i një të drejte absolute me detyrimin e rivendosjen së saj në formën origjinale me të gjitha parametrat. Pavarësisht se përbën pasuri kulturore dhe ka një interes publik, nuk mund detyrohet pronari, si mbajtës absolut i të gjithë tagrave të pronësisë të kryejë këto rregullime". "Po rastet kur subjekti, pronari është në kushtet e pamundësisë financiare, si do të zgjidhen? - pyet ministri Manjani ministren Kumbaro, - Këto raste duhet të parashikohen mekanizmat e duhur nga ana e institucioneve shtetërore për ruajtjen e këtyre pasurive". Ai thotë se ky sugjerim të mbahet në konsideratë edhe për nenin 90 të projektligjit që parashikon se vlera e investimit sipas preventivit përkatës dhe detyrimet e tjera financiare të lidhura me ndërhyrjet në pasuritë kulturore të urdhëruara apo të kryera nga vetë ministria sipas parashikimeve të nenit 89, janë në ngarkim të ministrisë dhe pronarit ose poseduesit.
Në vazhdën e ' paqartësive', Manjani thotë se "për sa i përket pikës 3 të nenit 47, togfjalëshi ' çdo transferim ose heqje e pjesshme, ose e plotë' të cilat i referohen një pasurie të paluajtshme kulturore është pasi transferimi fizik i një pasurie të paluajtshme nuk përbën sens si dhe nëse bëhet fjale për transferim të së drejtës së pronësisë, sjellim në vë- mendje se për pasuritë e paluajtshme kulturore mund të kalohet administrimi, por jo e drejta e pronësisë tek një subjekt tjetër". Sipas tij, përmbajtja e nenit 109 të projektligjit është tërësisht e paqartë dhe ka nevoja për riformulim. Cilat janë rastet kur bëhet tjetërsimi në favor të shtetit të pasurive kulturore? Ku parashikohet që pasuria kulturore kalon në favor të shtetit si sanksion për mospagimin e detyrimeve fiskale? Ku mbështetet ky parashikim dhe një sanksion i tillë, në vlerësimin tuaj është në proporcion me të drejtën e pronësisë së subjekteve private?
Ai thotë edhe se në projektligj si dhe në relacion nuk argumentohet se çfarë do të ndodhë me institucionet ekzistuese dhe punonjësit e tyre, në mënyrë që të shmangen mbivendosjet e strukturave paralele.
SUGJERIME
Në fund, ministri shkruan: "Në zbatim të rregullave të teknikës legjislative, sugjerojmë që në fund të projektligjit të shtohet dispozita e hyrjes në fuqi. Të shmanget përdorimi i akronimeve në tekstin e projektligjit, kur nuk është vënë që në fillim shpjegimi i tyre".
Sipas tij, "Përfundimisht: Nga shqyrtimi në tërësi i projektaktit si dhe duke marrë në konsideratë gjetjet e mësipërme, propozojmë kthimin e projektaktit për plotësim dhe rregullim të detajuar sipas vërejtjeve të bëra. Veçanërisht është i nevojshëm një proces i gjerë konsultimi jo vetëm me aktorët e interesuar dhe shoqërinë civile, por edhe me bashkësitë fetare, për sa kohë shumë prej parashikimeve të projektligjit prekin pasuritë kulturore në pronësi/ administrim të tyre ( për ilustrim, neni 5 i projektligjit).
Duke ju falënderuar për mirëkuptimin, MINISTRI YLLI MANJANI