Tatimet, ja shtesat në ligjin për TVSH- në
Furnizuesi duhet të evidentojë zbritjet e TVSH- së për secilën ndërtesë Pronarët e ndërtesave për shitje mund të zgjedhin furnizuesin
Ndryshon ligji për Ta timin mbi Vlerën e Shtuar. Drejtoria e Përgjithshme e Tatimeve përmes një njoftimi ka sqaruar disa shtesa që i janë bërë ligjit "Për Tatimin mbi Vlerën e Shtuar në Shqipëri, i ndryshuar", i cili ka të bëjë me të drejtën për të zgjedhur aplikimin e TVSH- së në shitjen e ndërtesave. Me ndryshimet e fundit parashikohet edhe e drejta për të zgjedhur aplikimin e TVSHsë për furnizimin e ndërtesës ose të pjesëve të ndërtesës. Gjithashtu janë parashikuar shtesa në nenet 6 e 7, që parashikojnë të drejtën e zbritjes kur ushtrohet zgjedhja për furnizimin e ndërtesave. Në çdo rast, sipas ligjit këto të drejta janë të kufizuara dhe nuk mund të ushtrohen nga personat e tatueshëm të cilët furnizojnë apartamente, ndërtesa apo mjedise banimi ose kur blerësi është individ. Këto ndryshime, që tashmë kanë hyrë në fuqi, nuk bëjnë gjë tjetër veçse shtojnë aplikimin ose zbritjen e TVSH- së, nga vetëm për qiradhënien, edhe te furnizimi i ndërtesës ose pjesëve të saj.
UDHËZIMI I TATIMEVE
Drejtoria e Përgjithshme e Tatimeve bën të ditur disa nga ndryshimet kryesore që sjell ky vendim i Këshillit të Ministrave. E para është e drejta për të zgjedhur aplikimin e TVSH- së për furnizimin e ndërtesës ose të pjesëve të një ndërtese. Personat e tatueshëm mund të ushtrojnë të drejtën të zgjedhin, duke e trajtuar furnizimin e ndërtesave si furnizim të tatueshëm me sh- kallën e TVSH- së prej 20%. Kjo e drejtë nuk mund të ushtrohet prej personave të tatueshëm që: furnizojnë ndërtesa apo ambiente për banim, ose kur blerësi është një individ. E drejta e zgjedhjes ushtrohet për ndërtesat ose pjesë të ndërtesës, të cilat: furnizohen ( shiten) për qëllim përdorimi për veprimtarinë ekonomike të blerësit, subjekt i regjistruar, ose për qëllime rishitjeje prej tij, por jo për banim. Për të ushtruar të drejtën e zgjedhjes, personi i tatueshëm duhet të aplikojë zgjedhjen për çdo rast, përveçse kur: blerësi është një person juridik i patatueshëm ose një person i tatueshëm që kryen veprimtari të përjashtuar nga TVSH- ja.
KONTRATAT
Kusht është që, në kontratën e furnizimit të ndërtesës të shkruhet e shprehur qartë zgjedhja e dëshiruar nga furnizuesi dhe pranimi i saj nga blerësi. Në rastin kur blerësi, një person juridik i patatueshëm ose i përjashtuar, nuk e pranon zgjedhjen, atëherë e drejta e zgjedhjes për të aplikuar TVSH- në nuk ushtrohet. Modalitetet dhe rregullat e ushtrimit të së drejtës për të zgjedhur aplikimin e TVSH- së për furnizimin e ndërtesës: Personi i tatueshëm paraqitet pranë Drejtorisë Rajonale Tatimore dhe dorëzon një deklaratë me shkrim, ku pohon se furnizimi i ndërtesës do të trajtohet si furnizim i tatueshëm me TVSH 20%. Në rast se personi i tatueshëm ua shet ndërtesën personave të tatueshëm, të cilët ushtrojnë veprimtari të përjashtuar nga TVSH- ja, furnizimi i ndërtesës trajtohet me TVSH, vetëm në rast se në kontratën e furnizimit, personi i tatueshëm blerës është njohur me këtë fakt dhe ka pranuar të paguajë TVSH- në. Në këtë rast,
furnizuesi paraqet kontratën përkatëse, mungesa e së cilës nuk i jep të drejtën e trajtimit të furnizimit si të tatueshëm. Zgjedhja nis ditën e parë të muajit në të cilin ajo formalizohet. Pas fillimit të ushtrimit, zgjedhja zbatohet për aq kohë sa nuk ka qenë objekt ndërprerjeje. Ndërkohë që, e drejta e zbritjes ushtrohet në përputhje me dispozitat dhe përcaktimet në ligjin "Për Tatimin mbi Vlerën e Shtuar". Furnizuesi duhet të evidentojë veçmas zbritjet e TVSHsë për secilën nga ndërtesat ose grup- ndërtesat. Kur
furnizuesi i ndërtesave ushtron edhe veprimtari të tjera të tatueshme me TVSH ose jo, në lidhje me të drejtën e zbritjes së TVSH- së duhet të evidentojë veçmas blerjet për secilën kategori të veprimtarisë. Nëse furnizuesi i ndërtesës ndodhet në një situatë sipas së cilës e drejta e zgjedhjes, nuk mund të ushtrohet, atëherë personi i tatueshëm duhet të procedojë me rregullimin e TVSH- së së zbritur më parë, nëse ndërprerja e transaksioneve të tatueshme ndodh para fillimit të vitit të nëntë pas vitit kur fillon e drejta e zbritjes.