Sadija: Dritëroi i donte njerëzit, të rrojmë me kujtimet e zërin e tij
Familja shtron drekë përkujtimore, Veliaj: Do t’i vëmë emrin një shkolle e një rruge
Familja
e shkrimtarit Dritëro Agolli shtroi pasditen e djeshme një drekë përkujtimore. “Donte të ishte gjithnjë i rrethuar nga njerëzit”, u thotë Sadija, miqve, të afërmve, dashamirësve të Dritëroit. “Ju falënderoj që morët pjesë në përcjelljen e trupit të Dritëroit. Dritëroi i donte të gjithë njerëzit. Të rrojmë me kujtimet e tij, me zërin e tij, se kishte zë të fuqishëm. Ma përcollën poezitë që recitonte, ai i ndiente ato poezi dhe recitonte më mirë se çdo aktor tjetër, ishin poezi të shpirtit të tij”, u shpreh bashkëshortja e Agollit, Sadija në drekën përkujtimore. Kryetari i Kuvendit, Ilir Meta, i pranishëm aty ngriti i pari shëndetin e këtij rasti të trishtueshëm. “Ai me të thënë të drejtën ishte nga Devolli, po e donte shumë dhe Skraparin, nuk e donte pak. Duke shfrytëzuar traditat tona, shëndetin e parë e kam për devollinjtë që i dhanë Shqipërisë dhe shqiptarëve kudo në të gjithë botën një poet, një shkrimtar dhe një njeri të jashtëzakonshëm si Dritëro Agolli. Unë kam hyrë në Parlament 22 vjeç dhe rrija tërë ditën pas Dritëroit dhe kjo ishte një gjë shumë e mirë për të mësuar edhe nga politika dhe shumë aspekte të tjera. Nëse Dritëro Agolli do konfliktohej seriozisht me dikë, nuk kishte të bënte me idetë politike, por me luftën dhe sakrificat e popullit shqiptar. Shumë shokë, por edhe Sadija e di që kjo ishte një gjë e shenjtë për të”, tha Meta. Kryetari i Bashkisë së Tiranës, Erion Veliaj, tha se emri i Dritëro Agollit do të përjetësohet me emrin e një shkolle dhe rruge. “Mezi pres që bashkë me Sadijen, Tanin dhe Elonën ne të vendosin cila shkollë e re e Tiranës do ketë emrin e Dritëroit dhe cila nga shumë rrugët të reja të Tiranës do të përjetësohet me emrin e Dritëroit”, tha Veliaj.
mjeshtër i humorit, edhe poet, edhe romancier, edhe eseist, edhe politikan i klasit të parë, edhe reformator. Edhe nxënës i urtë i urtësisë popullore, edhe profesor i vyer i vetë profesorëve. Ai është edhe Naimi që i këndoi dheut të Shqipërisë, edhe Noli mendjendritur, edhe Lasgushi që drithëronte për dashurinë ”, u