Pas marrëveshjes nga palët, shembet muri në Mitrovicë
BE: Gati për fillimin e diskutimit për asociacionin e komunave serbe Mustafa: Zgjidhëm një problem të brendshëm
Muri i ndërtuar ile galisht pranë urës së lumit Ibër në Mitrovicë është shembur. Qeveria e Kosovës dhe komuna e Mitrovicës Verore nënshkruan një marrëveshje për të hequr këtë mur dhe ndërtuar një shëtitore për këmbësorë. Marrëveshja është arritur dy ditë më parë në Prishtinë mes Qeverisë së Kosovës dhe përfaqësuesve të komunës së Mitrovicës Veriore. Sipas mediave kosovare, po e njëjta marrëveshje është votuar nga Asambleja Komunale e Mitrovicës Veriore, ndërsa janë bërë të gjitha përgatitjet për prishjen e murit. Muri i ndërtuar në pjesën veriore të urës mbi lumin Ibër, ka ngritur tensionet mes Prishtinës dhe Beogradit, ndërsa për rrënimin e tij, Kuvendi i Kosovës ka miratuar një rezolutë. Kryeministri Isa Mustafa, në një konferencë për media, ka thënë se pas rrënimit të murit, pjesa e sheshit do të ndërtohet në përputhje me ligjet dhe planet. "Krejt ajo çka kemi bërë, është se kemi zgjidhur një problem të brendshëm, përmes autoriteteve të brendshme me përkrahje ndërkombëtare në rrugën tonë evropiane dhe euroatlantike. Nuk kemi pasur asnjë garë force, nuk kemi manifestuar populizëm, e as folklorizëm. Mendoj se kanë triumfuar vlerat si dhe metodat e mënyrat më të mira demokratike. Komuna ka vepruar sipas marrëveshjes", - ka deklaruar Mustafa. Ndërkaq, shefja e Zyrës së Bashkimit Evropian në Kosovë, Natalya Apostolova ka thënë se "kjo gjë tregon se të dyja palët mund të arrijnë marrëveshje kur ka dëshirë politike". Apostolova ka theksuar se shpreson që me të njëjtin vullnet do të fillojnë edhe diskutimet për asociacionin e komunave me shumicë serbe. "Jam duke parë, gjithashtu, për fillimin e diskutimit për asociacionin e komunave me shumicë serbe, me të njëjtin përkushtim që patëm për largimin e këtij muri. Unë shpresoj se do të kemi rezultate të mira", - ka deklaruar Apostolova. Ajo, gjithashtu, ka falënderuar "Për shkak të murit, në veri është ndalur puna edhe për rivitalizmin e rrethrrotullimit, por me përmirësimin e kohës ne do të kemi së shpejti lëvizjen e lirë edhe të automjeteve dhe qytetarëve të Republikës së Kosovës. Nuk e di saktë kohën, por sa më parë që të jetë e mundur", - është shprehur Bahtiri. Marrëveshja, e cila u arrit me lehtësimin edhe të përfaqësuesve të Ambasadës së SHBA- ve dhe të zyrës së BE- së në Prishtinë, duhet të zbatohet gjatë ditës së diel, 5 shkurt, me heqjen e plotë të murit që krijoi tensione. Marrëveshja për heqjen e murit u arrit pas një raundi të vështirë të negociatave në Bruksel, megjithëse asnjëra palë nuk pranoi të deklarohej.