Altin Qato: Shoqëria Private e Sigurisë Fizike shkeli 8 rregulla
"Mjetet ishin të modifikuara, nuk kishin logon dhe as stemën" "Nuk plotësoi kriteret, iu hoq certifikata"
Shoqëria private që ish te duke transportuar paratë e bankës së nivelit të dytë drejt aeroportit të Rinasit dhe që u grabit me armë nga persona ende të paidentifikuar, në 1 maj të 2015 kishte lidhur me këtë bankë një kontratë dyvjeçare për shoqërimin e vlerave monetare, por që në ngjarjen e rëndë kriminale ka shkelur 8 rregulla. Ky fakt u bë dje me dije nga drejtori i përgjithshëm për Sigurinë Publike, Altin Qato. Gjatë një konference për shtyp, ai tha se nga analiza paraprake e ngjarjes rezulton se subjekti Shoqëria Private e Sigurisë Fizike "Jaguar" ka shkelur rregullat, si: mjetet për transportimin e vlerave monetare ishin të modifikuara dhe nuk plotësonin kriteret, pavarësisht se në lejen e qarkullimit të lëshuar nga Drejtoria Rajonale e Shërbimit të Transportit Rrugor janë shënuar "automjet i prodhimit të veçantë". Kamerat e instaluara në mjetin e blinduar nuk ishin të aktivizuara në momentin e ndodhjes së ngjarjes, njëri nga drejtuesit e mjetit të blinduar nuk kishte autorizim për të qarkulluar me këtë mjet, punonjësit e shërbimit ishin të pajisur me armë zjarri, por nuk kanë reaguar në përputhje me ligjin "Për përdorimin e armëve"; mjetet e gjurmimit nuk ishin vendosur sipas procedurave standarde për shoqërimin e vlerave monetare; të dyja automjetet e shoqërimit të vlerave monetare nuk kishin logon dhe stemën e shoqërisë private të sigurisë fizike; punonjësit e shërbimit të eskortës nuk kanë njoftuar strukturat e Policisë së Shtetit dhe nuk kanë bashkëpunuar me to në momentin e ndodhjes së ngjarjes sipas procedurave stan- darde; qendra e kontrollit të SHPSF "Jaguar" nuk funksionoi për menaxhimin e këtij shërbimi. Sipas zyrtarit të policisë, duke u bazuar në këto shkelje, Komisioni i Shqyrtimit të Kërkesave për Licencim dhe Certifikim në Drejtorinë e Përgjithshme për Sigurinë Publike, paraditen e djeshme vendosi "heqjen e certifikatës të titullarit dhe drejtuesit teknik i subjektit të SHPSF "Jaguar" shpk, nënkategorisë 1.3. B, me seli në Tiranë. Gjithashtu, Qato bëri me dije se vetëm një ditë Vladimir Kosta Deputeti i PS, Vladimir Kosta në statusin e tij ka bërë një kërkesë për ministrin e Brendshëm, Saimir Tahiri, duke thënë se, "Policia e Tiranës të padisë bankën për krijimin e tensioneve të padëshiruara dhe panik ndaj qytetarëve të Shqipërisë!".
Me urdhër të drejtorit të Policisë së Shtetit, Haki Çako, mësohet se është ngritur një grup pune, me qëllim inspektimin dhe kontrollin e veprimtarisë së gjithë SHPSF- ve që veprojnë në Republikën e Shqipërisë. Lidhur me këtë fakt, Qato tha dje se për ato shoqëri që do të kenë mangësi dhe shkelje, do të propozohet heqja e licencës së tyre. Ai theksoi më tej se ato shoqëri që nuk përmbushin detyrimet që kanë do të shkojnë deri në ndjekjen penale. "Ruajtja dhe sigurimi i 469 degëve dhe filialeve të Bankave të Nivelit të Dytë në të gjithë vendin bëhet nga 92 SHPSF, me 469 punonjës që kryejnë shërbim vetëm turni i parë dhe për kohën tjetër ruhen dhe sigurohen me anë të sistemeve të alarmit. Sigurimi dhe shoqërimi i vlerave monetare bëhet nga 23 SHPSF, me 501 punonjës shërbimi të certifikuar, të pajisur me 336 armë dhe me 103 mjete të blinduara", pohoi drejtori Altin Qato.