Struktura e rivlerësimit, lista me 191 kandidatë
Mbyllen aplikimet, ONM do të ketë akses të plotë në dokumentet e aplikantëve Aplikues edhe Rama, Becaj, Çomo, Shtylla
Institucioni i Avokatit të Popullit publikoi dje listën me kandidatët që kanë shprehur interesin për të qenë pjesë e organeve të vetingut. Përmes një njoftimi për shtyp, Avokati i Popullit bën të ditur se pas një konsultimi me ONM- në, do të hartojë një listë të mirëfilltë me kandidatët që plotësojnë kriteret për të qenë pjesë e institucioneve që do të zbatojnë procesin e kontrollit të figurës së prokurorëve dhe gjyqtarëve. Sipas njoftimit, filtrin për kandidaturat do ta kryejë Operacioni Ndërkombëtar i Monitorimit, i cili do të krijojë listën e zezë, ku do të futen ata persona që nuk plotësojnë kriteret për të qenë pjesë e organeve të vetingut. Avokati i Popullit, mbështetur në nenin 7, pika 5 të ligjit 84/ 2016 "Për rivlerësimin kalimtar të gjyqtarëve dhe prokurorëve në Republikën e Shqipërisë", pas konsultimit me ONM- në, do të hartojë një listë me kandidatët, të cilët plotësojnë kriteret formale për secilin pozicion dhe një listë me kandidatët, të cilët nuk i plotësojnë këto kritere. ONM do të monitorojë këtë proces, duke pasur akses të plotë në dokumentacionin e të gjithë aplikantëve. Listës emërore që po publikojmë do t'i shtohen edhe emrat e personave që kanë shprehur interesin përmes zyrave postare brenda datës 09 shkurt 2017 sapo kërkesat e tyre të mbërrijnë në adresën e AP", thuhet në njoftimin e AP. Në total kanë aplikuar 191 persona për të qenë pjesë e komisioneve të vetingut, por në bazë të kritereve të vëna do të përzgjidhen vetëm 27 prej tyre. Filtrin për kandidaturat do ta kryejë Operacioni Ndërkombëtar i Monitorimit, i cili do të krijojë listën e zezë, ku do të futen ata persona që nuk plotësojnë kriteret për të qenë pjesë e organeve të vetingut. Mes kandidaturave bien në sy edhe emrat e ish- kryeprokurores Ina Rama, ish- kryetares së Gjykatës së Lartë Shpresa Beçaj, anëtari i KLD Sokol Çomo, Albana Shtylla, sekretare e Përgjithshme e Kuvendit ( dhe anëtare e KLD), etj. Numri i të interesuarve shënoi një rritje të ndjeshme pasi fundjavën e shkuar ambasada e Shteteve të Bashkuara në Tiranë si dhe Delegacioni i Bashkimit Europian bënë thirrje publike për pro- fesionistët shqiptarë që të aplikonin për institucionet që do të kenë përgjegjësinë për të kryer procesin ndoshta më të rëndësishëm të të gjithë reformës në drejtësi. Brenda 7 ditëve Avokati i Popullit në konsultim me misionin ndërkombëtar, i cili ka qasje në të gjithë dokumentacionin, harton dy lista me ata që plotësojnë ose jo formalisht kriteret. Më pas do të jetë misioni ndërkombëtar që do të bëjë vlerësimin për çdo kandidaturë, duke hartuar edhe rekomandimet që përmes Avokatit të Popullit i kalojnë parlamentit. Në këtë fazë do të jenë të angazhuar dy ekspertë amerikanë dhe tre europianë.
Publikim Ankandi