Operacionet, sekuestrohen 2.2 tonë kanabis në Lezhë dhe në Tepelenë
Policia shpall në kërkim një 40- vjeçar nga fshati Dhëmblan Sekuestrohet një gomone në grykëderdhjen e lumit Ishëm
Mbi 2 tonë kanabis sativa janë sekues truar nga Policia e Shtetit në dy operacione të zhvilluara në Lezhë dhe në Tepelenë, ndërsa është shpallur një person në kërkim. Operacioni i parë, i koduar "Adriatik" u zhvillua në grykëderdhjen e lumit Ishëm nga Policia Kufitare në bashkëpunim me sektorin e antidrogës në Drejtorinë e Policisë së Lezhës dhe komisariatin e Kurbinit. Gjatë këtij operacioni u sekuestrua një gomone dhe një sasi prej 1 tonë e 450 kg lëndë narkotike. Operacioni i dytë u zhvillua në Dhëmblan të Tepelenës, ku në një banesë u gjet dhe u sekuestrua një sasi prej 762 kg kanabis.
LEZHË
Dje shërbimet e policisë kufitare Shëngjin kanë konstatuar një gomone në grykëderdhjen e lumit Ishëm. Në gomone nuk u konstatuan persona dhe as përreth saj. Menjëherë blutë e Lezhës kanë filluar kontrollin e territorit përreth. Si rezultat i krehjes së zonës, në vendin e quajtur Godull në Kurbin u gjet e fshehur në shkurre një sasi lënde narkotike e dyshuar marijuanë paketuar e gatshme për trafikim në total 1 ton 450 kg. Ndërkohë vijojnë hetimet për identifikimin e autorëve dhe dokumentimin e plotë të ngjarjes.
TEPELENË
Policia e Tepelenës ka sekuestruar dhe asgjësuar me anë të djegies një sasi prej 762 kg kanabis sativa, ndër- sa ka shpallur në kërkim poseduesin e lëndës narkotike. Në bazë të informacioneve të marra në rrugë operative se në banesën e shtetasit G. D. kishte lëndë narkotike, blutë kanë ushtruar kontroll në këtë banesë. Gjatë kontrollit rezultoi se në tavanin e banesës dhe në një kasolle në afërsi të saj janë gjetur 55 thasë plastmasë me ngjyrë të zezë, ku brenda tyre kishte kanabis me peshë 762 kg. Nga specialistët e seksionit Kundër Narkotikëve u bë shpallja në kërkim e 40- vjeçarit G. D., banues në fshatin Dhëm- blan. Policia po punon për arrestimin e këtij shtetasi. Materialet në ngarkim të tij iu përcollën për hetime të mëtejshme Prokurorisë Pranë Gjykatës së Shkallës së Parë Gjirokastër veprën penale "Prodhim dhe shitje të lëndëve narkotike".