32- vjeçari vret të dashurën dhe më pas vetëvritet me plumb në kokë
FIER/ Policia: Krim pasioni, dy të rinjtë kishin lidhje jashtëmartesore Dy të rinjtë u gjetën të pajetë brenda në makinë
Një 32- vjeçar nga Fieri ka vrarë të dashurën me pistoletë dhe më pas është vetëvrarë me një plumb në kokë. Ngjarja tragjike ka ndodhur paraditen e djeshme në aksin rrugor Fier- Hoxharë, në afërsi të fshatit Shënpjetër. Burime zyrtare nga Drejtoria e Policisë së Qarkut të Fierit bënë me dije se dy të rinjtë, Drini Derveni dhe Ermira Arapi Dushi u gjetën të pajetë në makinën fuoristradë tip "Jeep" me targë AA 939 OY të parkuar anës rrugës. Menjëherë pas krimit të dyfishtë, blutë kanë nisur hetimet për zbardhjen e rrethanave të ngjarjes. Sipas hetuesve të çështjes dyshohet se 32vjeçari, banues në lagjen "11 Janari" të qytetit të Fierit dhe 29- vjeçarja nga fshati Ngurrëz të Lushnjës ishin respektivisht të martuar dhe dyshohet që kishin një lidhje jashtëmartesore me njëri- tjetrin.
NGJARJA
Burime pranë grupit hetimor pohuan se rreth orës 11: 40, në afërsi të fshatit Shënpjetër janë gjetur të pajetë brenda në makinë dy të rinj. Nga këqyrja e vendit të ngjarjes u bë i mundur identifikimi i viktimave, të cilët janë Drini Derveni, baba i dy fëmijëve dhe Ermira Arapi, nënë e një fëmije ( vajze). Pas kryerjes së veprimeve hetimore paraprake, dyshohet që 32vjeçari ka qëlluar fillimisht për vdekje gruan me të cilën kishte lidhje jashtëmartesore dhe më pas i ka dhënë fund dhe jetës së tij. Sipas policisë, bazuar nga provat e gjetura në vendin e ngjarjes, dyshohet se bëhet fjalë për krim pasioni. Po të njëjtat burime u shprehën se i riu u gjet me një pistoletë tip "TT" në dorë, ndërsa sqaruan se ka bërë qitje me puthitje në kokën e tij. Një fakt i tillë i shtyn hetuesit të besojnë që ai është autor i vrasjes së të resë, me të cilën ka pasur një lidhje jashtëmartesore. Gjithashtu, ka dyshime të forta se ndërprerja e lidhjes mund të jetë një nga arsyet e krimit që tronditi banorët e zonës. Ndërkohë, policia nuk përjashton edhe mundësinë që viktimat të jenë ekzekutuar nga një person i tretë, i cili më pas mund të ketë manipuluar provat për t'u dukur si vetëvrasje. Hetimet janë ende në fazë fille- stare, ndaj do të jenë veprimet e mëtejshme që do të bëjnë të mundur zbardhjen e plotë të ngjarjes. Policia dhe prokuroria e Fierit janë duke hetuar intensivisht për të hedhur dritë mbi Sipas policisë, i riu Drini Derveni u gjet me një pistoletë tip "TT" në dorë, ndërsa sqaruan se ka bërë qitje me puthitje në kokën e tij. Një fakt i tillë i shtyn hetuesit të besojnë që ai është autor i vrasjes së të resë, me të cilën ka pasur një lidhje jashtëmartesore. Gjithashtu, ka dyshime të forta se ndërprerja e lidhjes mund të jetë një nga arsyet e krimit që tronditi banorët e zonës.
krimin e dyfishtë. Nga ana tjetër, mësohet se Drini Derveni banonte në qytetin e Fierit, ndërsa, Ermira Arapi nga Lushnja punonte si shitëse në një dyqan në këtë qytet.