Punësimi i mësuesve, dalin pikët përfundimtare
Në Tiranë morën pjesë 1.060 vetë, ja tabela me pikët e mara për secilin prej tyre MAS: Renditja e 4.045 kandidatëve që morën pjesë në testim
Ministria e Arsimit dhe Sportit ka shpallur rezultatet përfundimtare të 4.045 mësuesve, të cilët morën pjesë në testimin "Mësues për Shqipërinë". Bëhet fjalë për pikët e grumbulluara nga secili prej pjesëmarrësve në këtë proces, pas provimit dhe shqyrtimit të dosjes personale të kandidatëve. Më herët MAS publikoi listën paraprake, ndërkohë që me renditjen përfundimtare çdo kandidat mund të verifikojë shanset që ka për t'u punësuar në një vend pune. Ndërkaq, "Gazeta Shqiptare" publikon sot listën e plotë me 1.060 mësuesit që iu nënshtruan këtij procesi në Drejtorinë Arsimore Rajonale Tiranë dhe Tiranën Qark, të cilën e gjeni bashkëngji- tur shkrimit. Në këtë tabelë, çdo kandidat përmes ID së tij dhe numrit personal mund të verifikojë pikët e marra në testit, pikët me të cilat është vlerësuar dosja e tyre si dhe renditjen përfundimtare.
PORTALI
Mundësia e punësimit përmes portalit ' Mësues për Shqipërinë' lidhet jo vetëm me renditjen e kandidatëve, por edhe me vendet e shpallura bosh nga ana e Drejtorive Arsimore Rajonale dhe Zyrave Arsimore. Kjo do të thotë se për një vend të lirë prioritet ka kandidati, i cili në renditjen e përgjithshme sipas profilit është i pari, me numrin më të madh të pikëve. Ky kandidat ka të drejtë të refuzojë deri në tri vende pune të ofruara nga komi- sioni që ngrihet posaçërisht për këtë proces. Në rast refuzimi nga kandidati i listuar i pari, vendi i punës i ofrohet kandidatit të dytë e kështu me radhë. Nisma ' Mësues për Shqipërinë' u lançua nga MAS në datën 12 nëntor të vitit 2014. Sipas saj, punësimet në sektorin e arsimit parauniversitar tashmë bëhen vetëm pasi mësuesit testohen. Qëllimi i kësaj nisme ishte sigurimi i mësimdhënies së qëndrueshme, garantimit të cilësisë në arsim nëpërmjet angazhimit të të rinjve dhe të rejave që kanë mbaruar studimet e tyre në fushën e mësimdhënies, dhe që, pavarësisht burokracive dhe pengesave të shumta, nuk e kanë humbur shpresën se një ditë do të kontribuojnë në fushën për të cilën kanë investuar.