Topi: Të ndërhyjnë ndërkombëtarët

i FRD, Bamir Topi kërkon ndërhyrjen e faktorit ndërkombëtar për zgjidhjen e situatës së rëndë politike. Përgjegjës për situatën ai bëri partitë politike, për të cilat tha se kanë braktisur qëllimisht Komisionin e Reformës Zgjedhore. "FRPD do të hyjë në zgjedhje", deklaroi Topi ndërsa shtoi se nuk mbështet opozitën në kërkesën e saj për qeveri teknike. "Të hyjnë me shpejtësi për të luajtur rolin e mediatorit. Sot unë nuk i bëj thirrje më as presidentit të Republikës, i cili asnjëherë në këtë situatë nuk ka qenë personi mbi palët, madje ka qenë palë", tha z. Topi. Kreu i FRD- së përmendi se forcat politike e kanë braktisur qëllimisht Komisionin e Reformës Zgjedhore. "Është i vetmi komision që në Parlamentin e Shqipërisë funksionon mbi bazën e bashkëkryetarëve, është komision bipartizan, ka dy bashkëkryetarë, kanë të drejtën e vetos dhe në mënyrë të qëllimshme e kanë braktisur për të realizuar pastaj alibi", u shpreh ai. "Bashkëpunimi paraelektoral - tha Topi - do të jetë në varësi të sjelljes së partive politike. Deklaratat i bëri pas mbledhjes së kryesisë së FRD- së, ku u diskutua për situatën politike në vend dhe përcaktimin e strukturave për zgjedhjet e 18 qershorit.

EDI PALOKA

"Jemi këtu që të qërojmë ata që na e kanë sjellë Shqipërinë në këtë ditë. Duke treguar vendosmërinë tonë, jemi të bindur se dita e fitores është gjithnjë e më afër. Lëvizja jonë nuk ka fund tjetër përveç fitores, ne do të shkojmë në zgjedhje të lira", tha z. Paloka.