"6.5 miliardë lekë nga CEZ u vodhën me raporte fiktive"
Josef Hejsek dhe Jan Ivan akuzohen për mashtrim me pasoja të rënda Çohet në gjykatë dosja për dy ish- zyrtarët
Prokuroria e Tiranës përfundon hetimet dhe dorëzon në gjykatë dosjen ndaj dy ishzyrtarëve të CEZ- it, Josef Hejsek dhe Jan Ivan. Hetimet për këta dy persona zgjatën për afro 2 vite dhe ata akuzohen për veprën penale të "Mashtrimit" me pasoja të rënda, të kryer në bashkëpunim. Sipas organit të akuzës, Hejsek, me detyrë kryetar i bordit të drejtorëve dhe Ivan, anëtar bordi, në bashkëpunim me biznesmenin Kastriot Ismailaj, i cili prej kohësh po gjykohet nga drejtësia, duke përdorur të dhëna të pavërteta dhe dokumente fiktive, kanë mundur të vjedhin nga shoqëria "CEZ Shpërndarje" sh. a rreth 6.5 miliardë lekë. Në dosjen e prokurorisë thuhet se kjo shumë i është paguar shoqërisë "DIA", dega Shqipëri, për punë apo shërbime të cilat nuk rezultojnë të jenë kryer. Prej kohësh, Hejsek dhe Ivan janë larguar nga Shqipëria, dhe deri më tani nuk i janë përgjigjur ftesës së drejtësisë shqiptare për t'u paraqitur si dëshmitarë në gjyqin kundër biznesmenit Kastriot Ismailaj.
DOSJA E PROKURORISË
I pandehuri K. I. në bashkëpunim me të pandehurit J. H. ( me detyrë kryetar i Bordit të Drejtorëve) dhe J. I. ( me detyrë anëtar i Bordit të Drejtorëve), duke përdorur të dhëna të pavërteta dhe dokumente fiktive, kanë mundur të vjedhin nga shoqëria "CEZ Shpërndarje" sh. a shumën 649, 803, 520 lekë. Kjo vlerë i është paguar shoqërisë "Debt Internacional Advisory" ( DIA) Ltd- dega Shqipëri, për punë apo shërbime të cilat nuk rezultojnë të jenë kryer. Nga hetimi ka rezultuar se të pandehurit J. H. dhe J. I. kanë qenë në dijeni të falsitetit të dokumentacionit të paraqitur nga i pandehuri K. I. dhe me dashje kanë prodhuar së bashku me këtë të fundit dokumente fiktive, për të justifikuar pagesën e faturave të lëshuara nga shoqëria "DIA" për punë dhe shërbime të cilat realisht nuk janë kryer. Më datë 01.09.2010, subjektet "Debt Internacional Advisory" Ltd- Dega Shqipëri dhe "Operatori i Sistemit të Shpërndarjes" sh. a kanë lidhur një marrëveshje për shërbimin e mbledhjes së borxhit. Objekti i kontratës ka qenë detyrimi i të porositurit të mbledhë prej debitorëve të porositësit, me mbështetjen dhe shpërblimin e porositësit, të gjitha borxhet dhe kamatat që kanë kaluar afatin prej 90 ditësh, duke përdorur mjete juridike të përshtatshme. Kjo marrëveshje është firmosur nga i pandehuri K. I., me cilësinë e përfaqësuesit të shoqërisë "Debt International Advisory" Ltd- Dega Tiranë, dhe të pandehurit J. H. dhe J. I. Kontrata e parë nuk u miratua nga Këshilli Të pandehurit J. H. dhe J. I. kanë qenë në dijeni të falsitetit të dokumentacionit të paraqitur nga i pandehuri K. I. dhe me dashje kanë prodhuar së bashku me këtë të fundit dokumente fiktive, për të justifikuar pagesën e faturave të lëshuara nga shoqëria "DIA" për punë dhe shërbime të cilat realisht nuk janë kryer.
Mbikëqyrës i shoqërisë "CEZ Shpërndarje" sh. a dhe për këtë arsye më datë 01.02.2011, midis këtyre palëve është nënshkruar një marrëveshje e dytë me të njëjtin objekt dhe për një afat dyvjeçar. Kjo kontratë është zgjidhur në muajin tetor të vitit 2011. Nga tërësia e të dhënave të administruara gjatë hetimit të këtij procedimi penal arrihet në konkluzionin se qëllimi i vetëm i të pandehurit K. I. nuk ka qenë mbledhja e borxhit të shoqërisë dhe as kryerja e ndonjë pune reale, por vjedhja e parave të shoqërisë "CEZ Shpërndarje" sh. a. Për realizimin e qëllimit të tij kriminal, i pandehuri K. I. ka pasur si bashkëpunëtor të pandehurin J. H., të mbështetur edhe nga i pandehuri J. I. I pandehuri K. I., duke përdorur të dhëna të rreme dhe dokumente fiktive, në bashkëpunim me të pandehurit J. H. dhe J. I., ka përfituar në mënyrë të kundërligjshme shumën 649, 803, 520 lekë, duke shkaktuar pasoja të rënda për shoqërinë "CEZ Shpërndarje" sh. a dhe si rrjedhojë edhe për shtetin shqiptar, i cili në kohën e kryerjes së veprës penale, ka zotëruar aksione të kësaj shoqërie. Konkluzioni i mësipërm mbështetet në këto fakte të vërtetuara gjatë hetimit të çështjes penale: Paraqitja e të dhënave të rreme ( gënjeshtra apo dokumente fiktive dhe të pavërteta) nga shtetasi K. I. përpara nënshkrimit të kontratës së datës 01.09.2010, në lidhje me strukturën dhe eksperiencën e shoqërisë "Debt International Advisory", si dhe të dhëna të tjera. Paraqitja e të dhënave fiktive për punë të cilat nuk janë kryer realisht ( raporti i identifikimit të debitorëve apo i ashtuquajturi "DIR") dhe përfitimi në mënyrë të paligjshme i shumës së përafërt me 1.5 milionë euro pikërisht për të ashtuquajturin "raporti i identifikimit të debitorëve". Nga të dhënat e administruara gjatë hetimit të çështjes, ka rezultuar e provuar se dokumenti "Debtor Identification Report" në fakt është një dokument tërësisht fiktiv, pra shoqëria "DIA" nuk ka kryer një punë konkrete për identifikim e debitorëve. Raporti i Identifikimit të Debitorëve është në fakt produkt i thjeshtë elektronik, i cili është nxjerrë duke përpunuar thjesht, në një mënyrë të ndryshme të dhënat ekzistuese ( portofolet e debi- torëve), të cilat në atë kohë shoqëria "CEZ Shpërndarje" sh. a ia kishte vendosur në dispozicion shoqërisë "DIA". Paraqitja e të dhënave të tjera fiktive dhe të pavërteta përpara lidhjes së kontratës së datës 01.02.2011, i janë përcjellë Këshillit Mbikëqyrës të Shoqërisë në Pragë, i cili ka miratuar kontratën e dytë. Paraqitja e të dhënave fiktive për punën e kryer pas lidhjes së marrëveshjes ( kontratës) së dytë. Moskryerja e asnjë investimi dhe mosblerja e asnjë mjeti apo pajisjeje me qëllim kryerjen e shërbimit që ishte marrë përsipër të kryhej sipas kontratës së datës 01.02.2011. Bazuar në analizën e të dhënave të administruara në këtë procedim penal, rezulton se i pandehuri K. I. në bashkëpunim me të pandehurit J. H. dhe J. I., kanë kryer veprën penale të "Mashtrimit" me pasoja të rënda. Me veprimet e tyre të paligjshme të pandehurit kanë cenuar marrëdhëniet juridike të vendosura për të ruajtur të pacenuar pasurinë, që në rastin konkret i përket shoqërisë "CEZ Shpërndarje" sh. a, aksioner e së cilës në kryerjen e veprës penale ka qenë edhe shteti shqiptar. Nga ana objektive, vepra penale e "Mashtrimit" është kryer me veprime të kundërligjshme, të cilat konsistojnë në vjedhjen e shoqërisë "CEZ Shpërndarje" sh. a nëpërmjet dokumenteve fiktive dhe të falsifikuara. Të pandehurit kanë krijuar një mekanizëm të tërë fiktiv që konsistonte në zvogëlimin e pasurisë së shoqërisë "CEZ Shpërndarje", me qëllim kalimin e këtyre parave te shoqëria "DIA". Nga ana subjektive, vepra penale është kryer me dashje të drejtpërdrejtë. Të pandehurit kanë vepruar në bashkëpunim për arritjen e qëllimit të tyre kriminal, fakt që rezulton nga analizimi i veprimeve të kundërligjshme të kryera prej tyre. Elementët e fajit ( dashja e drejtpërdrejtë) për të pandehurit J. H. dhe J. I. rezultojnë nga analiza e këtyre fakteve të vërtetuara gjatë hetimit të çështjes penale: Nënshkrimi, miratimi dhe pagimi i pesë faturave pa bazë kontraktuale apo ligjore, dy nga të cilat janë miratuar dhe paguar me urgjencë në datën 26.11.2010, pra vetëm një ditë pasi kontrata e datës 01.09.2010 nuk u miratua nga Këshilli Mbikëqyrës i shoqërisë "CEZ Shpërndarje" sh. a. Faturat e lëshuara nga i pandehuri K. I. janë pranuar dhe nënshkruar nga i pandehuri J. I., i cili ka pasur edhe detyrën e Drejtorit të Divizionit të Financës. Ky shtetas këto fatura i ka nënshkruar nën ndikimin e Kryetarit të Bordit të Drejtorëve J. H. Menjëherë pas mosmiratimit të kontratës, "shpiket" procesi i identifikimit të debitorëve dhe pagesat kryhen menjëherë. I njëjti shërbim që pretendohej se iu kalua shoqërisë "DIA" ( mbledhja e borxhit dhe identifikimi i debitorëve), është kryer në të njëjtën periudhë vetë nga shoqëria "CEZ Shpërndarje" sh. a ( projekti master data cleaning). I pandehuri J. H. nuk kreu asnjë verifikim për të dhënat që iu kërkuan nga Këshilli Mbikëqyrës i sho- qërisë "CEZ Shpërndarje" në Pragë për shoqërinë "DIA". Ai i dërgoi këto të dhëna ( të cilat ishin të pavërteta) ashtu siç iu dërguan nga i pandehuri K. I. Paraqitja e këtyre të dhënave ka bërë të mundur lidhjen e kontratës. Mosmarrja e asnjë mase për matjen e punës së shoqërisë "DIA" ashtu siç përcaktohet në aneksin nr. 8, të kontratës të datës 01.02.2011, me objekt mbledhjen e borxheve, edhe pas miratimit të kësaj kontrate. Email- et tregojnë qartë që faturat apo vetë Raporti i DIR, është dashur thjesht për të justifikuar pagesat e kryera. Falsifikimi i dokumenteve me qëllim mbulimin e vjedhjes. J. H. ka shtuar në kontratën e datës 01.09.2010, pas datës 25.11.2010 ( datë në të cilën Këshilli Mbikëqyrës nuk e miratoi këtë kontratë), një shënim me shkrim dore për të justifikuar pagesat fiktive. Njoftimi i K. I. nga J. H. për çdo shkresë që vinte nga Prokuroria Pranë Gjykatës së Shkallës së Parë Tiranë. Nga sa më sipër, në mbështetje të fakteve dhe provave të administruara në këtë proçedim penal dhe në mbështetje të nenit 331 të Kodit të Proçedurës Penale, Prokuroria Pranë Gjykatës së Shkallës së Parë Tiranë ka kërkuar gjykimin e çështjes penale me të pandehur shtetasit J. H. dhe J. I. për kryerjen e veprës penale "Mashtrimi", me pasoja të rënda, të kryer në bashkëpunim, të parashikuar nga neni 143/ 2 ( togfjalëshi i fundit) i Kodit Penal të Republikës së Shqipërisë.