Arrestohet i kërkuari për vrasje e pengmarrje
Policia: 30- vjeçari, autor i një sërë ngjarjesh kriminale në Vlorë e në Itali, përdorte disa gjeneralitete Klejvis Gjatari u arratis 5 vite më parë nga burgu i Kavajës
Një 30- vjeçar i shpal lur në kërkim për një sërë veprash penale dhe që konsiderohet si person me rrezikshmëri të lartë shoqërore është arrestuar dje nga policia e Vlorës. Bëhet fjalë për Klejvis Gjatarin, i cili që prej 5 vitesh ishte arratisur nga burgu i Kavajës. Burime zyrtare nga Drejtoria e Policisë së Qarkut të Vlorës bënë me dije se i riu i shumëkërkuar u prangos në lagjen "Uji i Ftohtë". Sipas bluve, Gjatari akuzohet për vrasje, plagosje, pengmarrje, armëmbajtje pa leje etj. Mësohet se ai është autor i disa ngjarjeve në Vlorë. Ndërkohë, burimet e mësipërme pohuan se 30vjeçari figuron person me precedentë kriminalë dhe penalë në shtetin italian, për veprën penale të "Vrasjes". Nga hetimet e kryera, për shkak të problemeve me drejtësinë shqiptare dhe të huaj, Gjatari ka përdorur disa gjeneralitete të tjera si: Erion Gjatari, Eri Gjata, Erion Sual. Dyshohet se ky shtetas gjatë kohës që ka qenë në kërkim është përfshirë në vepra të tjera të rënda kriminale, për të cilat Policia e Vlorës po punon intensivisht për dokumentimin e plotë ligjor të tyre.
NGJARJET E KRYERA NGA KLEJVIS GJATARI
1. Në shtator të vitit 2012, Klejvis Gjahtari është shpallur në kërkim për veprën penale "Largimi i të burgosurit nga vendi i qëndrimit" në Kavajë, për të cilën është dënuar me 4 vite e 10 muaj burg. ( Vend në të cilin vuante dënimin për "Armëmbajtje pa leje" dhe "Kanosje"). Nga hetimet e kryera, për shkak të problemeve me drejtësinë shqiptare dhe të huaj, Gjatari ka përdorur disa gjeneralitete të tjera si: Erion Gjatari, Eri Gjata, Erion Sual. Dyshohet se ky shtetas gjatë kohës që ka qenë në kërkim është përfshirë në vepra të tjera të rënda kriminale, për të cilat Policia e Vlorës po punon intensivisht për dokumentimin e plotë ligjor të tyre.
2. Në maj të vitit 2016 është autor i ngjarjes së ndodhur në "Plazhin e Ri", ku në bashkëpunim me shtetasit D. Rrapaj dhe A. Gjatari kanë marrë me forcë në mjetin e tyre shtetasin Y. K., duke e kanosur atë me armë zjarri. ( Ngjarje për të cilën i është caktuar masa e sigurisë "Arrest në burg" për veprat penale: "Heqja e paligjshme e lirisë", "Armëmbajtje pa leje", "Prishja e rendit dhe qetësisë publike" dhe "Mosbindja ndaj urdhrit të punonjësit të policisë").
3. Në tetor të vitit 2016 është autor i ngjarjes së ndodhur në lagjen "Pavarësia", ku për motive të dobëta, në një lokal ka plagosur me armë zjarri shtetasin F. M. (" Vrasje me dashje, e mbetur në tentativë" dhe "Armëmbajtje pa leje").
2. Në tetor të vitit 2016
është autor i ngjarjes së ndodhur në lagjen "Ujë i Ftohtë", ku në bashkëpunim me shtetasin O. Shehu, i kanë vjedhur me dhunë shtetasit F. M., automjetin tip "Audi" dhe kanë tentuar ta vrasin me armë zjarri këtë të fundit. ( Ngjarje për të cilën i është caktuar masa e sigurisë "Arrest në burg" për veprat penale: "Vrasje me dashje, e mbetur në tentativë",
"Armëmbajtje pa leje" dhe "Vjedhje me dhunë, e kryer në bashkëpunim").
3. Në dhjetor të vitit 2016 është autor i ngjarjes së ndodhur në lagjen "Ujë i Ftohtë", ku në bashkëpunim me persona të tjerë, i ka marrë me dhunë në rrugë shtetasit V. F., automjetin tip "Benz" në pronësi të këtij të fundit. (" Vjedhje me dhunë, e kryer në bashkëpunim").