Sa afër dhe larg zhvillimit është tregu ynë kapital?
mpanisë, të aksioneve dhe dividendëve të tyre. Aksesi i menjëhershëm në kapital do i bënte kompanitë shqiptare më konkurruese, më të adaptueshme ndaj nevojave të tregut, do rriste mundësitë për inovacion dhe rritje të produktivitetit, duke mundësuar fitime më të larta dhe punësim më të madh.
Për më tepër, edhe Fondi Monetar Ndërkombëtar ka qenë një nxitës për krijimin e tregut kapital shqiptar, si një mekanizëm për të suportuar ekspozimin e bankave ndaj bonove të thesarit dhe fondeve të investimit. Gjithashtu, konsolidimi i tregut kapital do i ofronte Shqipërisë më shumë mundësi ndaj tregjeve globale dhe rritjen e besimit të tregut europian.
Gjatë dekadës së fundit, shqiptarët dhe biznesi ka më shumë informacion për bursën dhe tregjet financiare, duke investuar shumë nga fondet e tyre në këto tregjet kapitale ndërkombëtare. Një alarm i ngritur në Shqipëri është operimi i firmave ndërmjetëse pirate, të paliçencuara nga Agjencia e Mbikëqyrjes Financiare, për kontrollin dhe funksionimin e tyre. Krijimi dhe hapja e këtyre firmave ka ardhur si nevojë e biznesit apo individëve për të investuar fondet e tyre, në një kohë, që për fat të keq, Shqipëria dhe tregu ynë financiar nuk ua plotëson këto nevoja. Atëherë, krijimi i bursës do të rregullonte këto iniciativa, që po veprojnë në një treg të parregulluar/ kontrolluar, duke mbrojtur individët dhe bizneset që investojnë në këto agjenci. Gjithashtu, mungesa e informacionit është rrezik i lartë, që kërkon medoemos informim të publikut, apo detyrim i operatorëve t'i japin informim të qartë e të kuptueshëm klientit.
Shqipëria ka nevojë urgjente për bursë dhe kërkesa e vazhdueshme e grupeve të interesit për hapjen e saj duhet marrë në konsideratë. Fakti që kanë filluar disa iniciativa nga operatorë të këtij sektori të ri është për t'u përshëndetur. Kjo është provë se ekonomia e pret dhe e kërkon këtë komponent, por që ato të mos dështojnë, duhet rregullim ligjor dhe kontroll institucional. Mbetet në dorën e AMF dhe Bankës së Shqipërisë që të mbikëqyrin dhe të garantojnë zhvillimin dhe operimin pozitiv të tregut kapital, si një nga format për të stabilizuar kërkesë- ofertën e grupeve të interesit për kapital.
Shqipëria, si vend që aspiron për anëtare e BE- së, duhet patjetër të zhvillojë tregun e kapitaleve për të rritur konkurrencën e ndershme dhe rritjen e mundësive për investime kapitale dhe gjenerimin e fondeve. * Koordinatore ekonomie,
Partia Demokratike