Zgjedhja e presidentit të ri, raundi i parë është më 19 prill
Kuvendi lajmëron nisjen e procesit, 20 deputetë mund të propozojnë një emër "Votimi, i kryer edhe pa asnjë kandidat"
Kuvendi do të votojë më 19 prill për zgjedhjen e Presidentit të ri të Republikës. Kjo javë pritet të jetë intensive sa i përket gjetjes së një emri, apo më shumë se një, për të nisur kështu procesin në raundin e parë, të mërkurën e javës që vjen. Këtë datë e vendosi dje Konferenca e Kryetarëve, e thirrur nga kreu i Kuvendit, Ilir Meta, pas kërkesës së kryetarit të Grupit Parlamentar të PS- së, Gramoz Ruçi. "Me dakordësinë e Konferencës u vendos fillimi i procedurës parlamentare për zgjedhjen e Presidentit të Republikës dhe u caktua raundi i parë i zhvillimit të votimit për zgjedhjen e Presidentit të Republikës, më datë 19 prill, ora 18: 00", thuhet edhe në njoftimin e Kuvendit, pas mbledhjes. "Që nga ky moment, në zbatim të nenit 87 të Kushtetutës së Republikës së Shqipërisë, një grup me jo më pak se 20 deputetë ka të drejtën t'i propozojë Kuvendit kandidaturën për President të Republikës së Shqipërisë", vijon njoftimi. "Në mënyrë më të hollësishme, neni 87 i Kushtetutës dhe neni 109 i Rregullores së Kuvendit, parashikojnë rregullat mbi procedurën e zhvillimit të raundeve të votimit si dhe shumicën e kërkuar në secilin prej raundeve. Votimi për secilin raund bëhet i fshehtë dhe pa debate. Votimi quhet i kryer edhe kur në Kuvend nuk paraqitet asnjë kandidaturë", saktëson Kuvendi.
RAUNDET DHE PROCEDURA
Në bazë të Kushtetutës, pas përcaktimit të datës së raundit të parë në zbatim të nenit 87 të Kushtetutës së Republikës së Shqipërisë, një grup me jo më pak se 20 deputetë ka të drejtën t'i propozojë Kuvendit kandidaturën për President të Republikës së Shqipërisë. Në mënyrë më të hollësishme, neni 87 i Kushtetutës dhe neni 109 i Rregullores së Kuvendit, parashikojnë rregullat mbi procedurën e zhvillimit të raundeve të votimit si edhe Në mbyllje të seancës së djeshme të Kuvendit u miratuan dhe dy anëtarët e mazhorancës për komisionet ad- hoc, Alfred Peza i PS- së dhe Silva Caka i LSIsë. Të dy deputetët do të jenë anëtarë zëvendësues, në rast të mungesave të tre anëtarëve të përzgjedhur të martën, Vasilika Hysi, Ulsi Manja dhe Luan Rama.
shumicën e kërkuar në secilin prej raundeve. Kushtetuta përcakton se janë pesë raunde për zgjidhjen e presidentit. Në tri raundet e para kërkohet një shumicë prej 3/ 5, 84 vota, ndërsa në dy raundet e dyta presidenti mund të zgjidhet me 71 vota. Raundet nga njëri- tjetri duhet të zhvillohet brenda 7 ditëve, që do të thotë se Presidenti i ri i Republikës në muajin maj do të jetë votuar nga Kuvendi. Votimi për secilin raund bëhet i fshehtë dhe pa debate. Votimi quhet i kryer edhe kur në Kuvend nuk paraqitet asnjë kandidaturë. Deri më tani nuk ka asnjë emër zyrtar të paraqitur, edhe pse në mjediset politike janë lakuar mjaft prej tyre. Këtë herë diskutohet që emri i presidentit të jetë një grua. Kështu, në listën e emrave janë ministrja e Mbrojtjes, Mimi Kodheli dhe deputetja e vjetër e PS- së, Arta Dade. Të dyja zonjat e PSsë janë shprehur të gatshme ta pranojnë një pozicion të tillë nëse do t'u propozohet. Por fillimisht ky do të jetë një diskutim brenda mazhorancës dhe dy bashkëdrejtuesve të koalicionit, Rama e Meta, dhe më pas pritet të kalojë për votim në Kuvend. Ndërkohë, në datën 19, kur është edhe afati i regjistrimit të koalicioneve, pritet që PS e LSI të zyrtarizojnë edhe aleancën e re të tyre, ashtu siç të paktën kanë paralajmëruar.