OSBE kërkon 330 vëzhgues për zgjedhje

Raporti: Situata politike, shqetësuese

OSBE/

ODIHR- i do t'u kërkojë shteteve pjesëmarrëse të OSBE- së të dërgojnë 30 vëzhgues afatgjatë dhe 300 afatshkurtër për të vëzhguar zgjedhjet e 18 qershorit për Kuvendin e Shqipërisë. Në raportin e Misionit të OSBE/ ODIHR- it për Vlerësimin e Nevojave, të botuar sot nënvizohet shqetësimi për situatën aktuale politike dhe mungesën e dialogut që mund të dëmtojë zhvillimin e zgjedhjeve. "Që prej shkurtit PD ka bojkotuar parlamentin dhe po udhëheq një protestë të qëndrueshme publike, duke kërkuar krijimin e një qeverie teknike, që do të krijojë kushtet për zgjedhje të besueshme. Qeveria nuk ka pranuar këto kërkesa dhe kritikon opozitën për bllokim të padrejtë të reformave të nevojshme. Shumë bashkëbisedues të OSBE/ ODIHR shprehin shqetësim lidhur me situatën politike dhe mungesën e dialogut që mund të dëmtojë zhvillimin e zgjedhjeve" thuhet në raport. Korniza ligjore për zgjedhjet është përmirësuar ndjeshëm në 2012, përpara zgjedhjeve të mëparshme. Një proces i ri i reformës zgjedhore nisi në vitin 2015, por për shkak të mungesës së konsensusit politik, mes dy partive më të mëdha, pjesa më e madhe e rekomandimeve të OSBE/ ODIHR nuk janë adresuar", vijon rapor- ti. Raporti vë në dukje edhe ndikim të parave të paligjshme. "Zyrtarisht fushata nis 30 ditë përpara ditës së zgjedhjeve. Por, ndërsa partitë politike nuk kanë shprehur shqetësim lidhur me mundësinë e një fushatë të lirë, shumë paralajmërojmë presion të mundshëm ndaj votuesve, blerje të votës, keqpërdorim të burimeve shtetërore dhe ndikim të parave të paligjshme nga grupet e organizuara kriminale".