Provimi i praktikës, UISH përjashton 51 studentët e një universiteti privat
Kandidatët nga Qarku i Beratit humbasin të drejtën për t'u regjistruar në Provimin e Shtetit "Nuk plotësonin kriteret, ja lista me emrat"
Urdhri i Infermierëve të Shqipërisë ka për jashtuar nga provimi i praktikës 51 kandidatë, të cilët kishin përfunduar studimet në një universitet privat. Masa disiplinore është marrë për këtë sezon, ndërkohë që shkak është bërë mosplotësimi i kritereve. UISH nuk bën të ditura detaje të mëtejshme, por ajo që bie në sy ka të bëjë me faktin se kandidatët e përjashtuar i takojnë Qarkut të Beratit. Sipas Urdhrit të Infermierëve, personat që gjejnë emrin në listë, të cilën "Gazeta Shqiptare" e publikon të plotë, do t'u duhet të kontaktojnë me presidentin e UISH- së të Beratit, Lorenc Çili për sqarime të mëtejshme. Nga provimi janë përjashtuar 44 kandidatë të profilit infermieri dhe 7 kandidatë të profilit fizioterapi.
Kalimi me sukses i Vlerësimit të Aftësimit Praktik është një kusht për t'u regjistruar në Provimin e Shtetit. Gjatë vitit 2012, Urdhri i Infermierit ndryshoi kushtet për të gjithë kandidatët që dëshironin të Testimi profesional jepet para një komisioni të posaçëm të ngritur nga Ministria e Shëndetësisë dhe Urdhri i Infermierit, ku kandidatët do të përgjigjen me gojë dhe praktikisht. Ashtu sikurse vitet e kaluara, kandidati u përgjigjet 5 pyetjeve, të cilat janë në programin e praktikës profesionale, ndërsa secila vlerësohet me nga 1 deri 25 pikë.
hynin në Provimin e Shtetit. Sipas këtyre ndryshimeve, të interesuarit përveç praktikës profesionale, i nënshtrohen një testimi profesional në fund të saj, ndërkohë që vetëm nëse vlerësohen pozitivisht në të, kanë të drejtë të regjistrohen për Provimin e Shtetit. Konkretisht, studenti i diplomuar në Infermieri, Fizioterapi, Logopedi, Teknikë Imazherie dhe Teknikë Laboratori, ditën që regjistrohet, merr librezën e praktikës profesionale. Në këtë librezë mbahen shënimet ditore përgjatë 12 javëve që studenti realizon praktikën, të cilat firmosen çdo ditë nga drejtuesi i saj. Në fund, libreza e firmosur nga drejtuesit vlerësohet me një numër pikësh të caktuara. Saktësisht, ato janë nga 10 deri në 25 pikë, të cilat i njihen kandidatit gjatë realizimit të testimit profesional. Ai e merr librezën dhe 10 ditë para datës së provimit e dorëzon atë pranë urdhrit profesional dhe regjistrohet për dhënien e testimit profesional. Testimi profesional jepet para një komisioni të posaçëm të ngritur nga Ministria e Shëndetësisë dhe Urdhri i Infermierit, ku kandidatët do të përgjigjen me gojë dhe praktikisht. Ashtu sikurse vitet e kaluara, kandidati u përgjigjet 5 pyetjeve, të cilat janë në programin e praktikës profesionale, ndërsa secila vlerësohet me nga 1 deri 25 pikë. Pikët maksimale janë 100, ndërkohë që për ta kaluar me sukses, kandidati duhet të marrë 50 pikë.
PROVIMI I SHTETIT
Pas kalimit me sukses të Vlerësimit të Aftësimit Praktik, kandidatët duhet të japin Provimin e Shtetit. Profesionet e rregulluara, ku bëjnë pjesë dhe infermierët
kanë të drejtë ta japin këtë provim deri në 5 herë. Ndërkohë që, nëse ai nuk kalohet me sukses, ata nuk kanë të drejtë të ushtrojnë profesionin. Sa i takon tarifës që duhet të paguajnë kandidatët fillestarë, ajo kap vlerën e 10000 lekëve, ndërkohë që në çdo rast përsëritës ajo shtohet me 2500 lekë. Kjo do të thotë se kandidatët që futen për herë të pestë në Provimin e Shtetit duhet të paguajnë 20 mijë lekë.