Basha, Ramës: Reflekto, refuzojmë pazaret e tua
Kreu i PD- së: Nis bashkimi i armatave paqësore. Fushëbeteja jonë e parë, Kavaja Rrëzimi i Ramës, përgjigjja për Blushin
Kreu i PD- së, Lulzim Basha paralajmëroi dje kryeministrin Edi Rama se javën e ardhshme opozita do të përshkallëzojë aksionin politik në mosbindje civile. Kryeministrin e ftoi ta presë në fushëbetejën e Kavajës në 7 maj, qytet në të cilin socialistët do të shkojnë për të votuar kryebashkiakun e ri, ndërsa demokratët për të protestuar dhe pamundësuar zgjedhjet. Z. Basha pas dështimit të negociatave, u shpreh i bindur se zgjedhje pa opozitën nuk do të ketë dhe fushëbeteja e parë në këtë përplasje do të jetë Kavaja. "Duke nisur nga sot, kjo lëvizje do shtrihet e do çlirojë sheshet e republikës së vjetër përmes akteve të mosbindjes civile, që do shpalosen njëri pas tjetrit. Javën e ardhshme nis armata popullore nga jugu në veri", deklaroi z. Basha. Kreun e qeverisë e paralajmëroi se nuk do të lejojë zgjedhje pa opozitën, teksa e ftoi të reflektojë për kërkesën e qeverisë teknike dhe mandatin e saj. "Koha për ta zgjidhur me dialog po shkon drejt mbarimit, çdo minutë reflektim është i mirëpritur. Votime pa opozitën s'do ketë, zgjedhjet të diktuara nga krimi s'do ketë. Zgjedhje pa qeveri teknike e pa largimin e Edi Ramës nuk ka e s'do këtë…", u shpreh kreu i PD- së. Propozimet e bëra nga kryeministri Rama gjatë takimeve me negociatorët europianë, Basha i cilësoi pazar. Zgjidhja e vetme sipas tij për të garantuar zgjedhje të lira është largimi i Ramës nga kreu i qeverisë, ndonëse nuk përjashtoi që kryeministri i dalë nga qeveria teknike të jetë nga radhët e partisë më të madhe në qeveri. Për propozimin e mazhora- ncës që i ofroi 4 ministra dhe kreun e KQZ- së, në mënyrë që opozita të futet në zgjedhje, Basha kishte këtë përgjigje: "Edi Rama e bëri të qartë se është gati të dorëzojë ministrat, kreun e KQZ, zyrtarë në polici po nuk është gati të dorëzojë karrigen e tij. Merri, çfarë problemi ka, merr- jep, jap e merr, kështu funksionon pazari i peshkut të qelbur nga koka, ku duan ta futin edhe PD- në. Kjo është ëndrra e një nate vere e Ramës dhe Metës, që nuk do bëhet kurrë realitet. Ne nuk duam pushtet në tavolinë. Nuk kemi qenë përjashtues, përkundrazi, ju kemi thënë që emri i kryeministrit teknik le të vijë me propozim të shumicës, por Rama refuzon të ndahet nga karrigia e tij". Ben Blushi propozoi dje një mocion votëbesimi për qeverinë "Rama". Ai i bëri thirrje me emër drejtpërdrejt Lulzim Bashës dhe Ilir Metës. Por nuk ka vonuar përgjigja e Bashës. Dhe është negative. "Beni na bëri një ofertë. Shpresoj t'i qëndrojë deri në darkë se zakonisht i ndryshon fjalët. Por, gjithsesi unë i them se kjo ofertë është e papranueshme. Ne duam gjithëpërfshirje dhe jo përjashtime. Ne nuk duam ta përjashtojmë PS nga qeveria teknike", tha Basha. Sipas tij, kryesore është për PD që qytetarët të votojnë të lirë. "Ndaj ne i kemi drejtuar ftesë çdo formacioni për një qeveri me mandat të paracaktuar. Koha për ta zgjidhur këtë me dialog është drejt mbarimit, por më mirë vonë se kurrë. Çdo minutë reflektimi është i mirëpritur", deklaroi z. Basha. "Fakti që u pranua nga Edi Rama të lëshonin gjysmën e qeverisë dhe shtyrjen e datës së zgjedhjeve është një shenjë se deri diku, por jo sa duhet, që edhe kuptimi i gjendjes ku ndodhet ka depërtuar në mendjen e tij", theksoi deputeti i PD- së.