Dekriminalizimi, prokuroria: T'i hiqet mandati deputetit, Vladimir Kosta
Akuza i dërgon EUROPOL- it shenjat e gishtave të 4 deputetëve për verifikim "Është dënuar me 10 mijë lekë për armëmbajtje"
Prokuroria e Përgjiths hme i kërkon Komi sionit Qendror të Zgjedhjeve heqjen e mandatit për deputetin e Partisë Socialiste, Vladimir Kosta. Ndonëse kanë mbetur më pak se dy muaj nga zgjedhjet e 18 qershorit, shkak i ndërprerjes së mandatit të tij është bërë mosdeklarimi nga ana e vetë deputetit për një dënim të tijin, për "armëmbajtje pa leje". Deputeti socialist rezulton se është dënuar nga Gjykata e Tiranës me një gjobë prej 10 mijë lekësh të reja në datën 19 prill të vitit 2000. Por, ky dënim nuk është deklaruar në formularin e dekriminalizimit. Ngjarja për të cilën akuzohet deputeti Kosta ka ndodhur në qershor të 1999, ku është konfliktuar me shtetasin Edmond T., i cili i kishte zënë atij rrugën me makinë. Mes tyre ka pasur një konflikt të hershëm, ndërsa Kosta ka qëlluar me armë në ajër dhe plumbi ka prekur mbi makinën e Edmond T. Ndërkohë, kërkesa e organit qendror të akuzës, pritet që të shqyrtohet nga Komisioni Qendror i Zgjedhjeve në mbledhjet e ditëve në vijim. Ndërsa nën hetim, Prokuroria e Përgjithshme ka edhe disa deputetë të tjerë të Parlamentit Shqiptar dhe se po verifikohen të dhënat edhe për disa kryetarë bashkish, për të cilët dyshohet se nuk kanë deklaruar dënime gjyqësore në formularin e dekriminalizimit. Ndërkohë, mësohet se në zbatim të ligjit për dekriminalizimin, prokuroria i ka dërguar EUROPOL- it shenjat e gishtave të katër deputetëve të Kuvendit të Shqipërisë për verifikim. Bëhet fjalë për deputetin socialist, Artan Gaçi; deputetët e PDIU, Aqif Rakipi dhe Omer Mamo si dhe deputetin e pavarur, Mhill Fufi.
NGJARJA QË U DËNUA KOSTA
Më datë 17.06.1999, Vladimir Kosta, asokohe tregtar, ka qenë duke udhëtuar me automjetin e tij tip "Benz" në rrugën "Hoxhë Vogli". Në këtë kohë, po në këtë rrugë po udhëtonte edhe shtetasi Edmond T., i cili drejtonte një automjet tip "Jada". Ky i fundit i bllokon rrugën Vladimir Kostës dhe fillojnë të grinden dhe të goditen me njëritjetrin, pasi më parë kanë pasur edhe një konflikt. Ed- mond T. largohet dhe më pas Vladimir Kosta qëllon në ajër me pistoletën që kishte pa leje, ku njëri nga plumbat ka rënë mbi automjetin e Edmond T.
Në seancën gjyqësore, Kosta ka pranuar plotësisht akuzën që i ishte ngritur dhe kishte kërkuar gjykim të shkurtuar. "Fajësia e të pandehurit Vladimir Kosta provohet plotësisht me deponimet e tij dhe me aktet shkresore që ndodhen të administruara në dosjen gjyqësore. Vepra e kryer nga i pandehuri paraqet rrezikshmëri shoqërore, pasi ka cenuar ato marrëdhënie që kanë të bëjnë me mbajtjen e rendit juridik dhe administratën në Shqipëri", thuhet në vendim.
Në zbatim të ligjit për dekriminalizimin, prokuroria i ka dërguar EUROPOL- it shenjat e gishtave të katër deputetëve të Kuvendit të Shqipërisë për verifikim, për Artan Gaçi; deputetët e PDIU, Rakipi dhe Mamo si dhe deputetin e pavarur, Mhill Fufi.