Zgjedhjet, Basha: Të shtyhen Rama: Propozova monitorim
Zgjidhja, palët me komunikim të hapur për negociata deri në kompromis Kryeministri: S'ka shtyrje. Basha: S'do bojkotojmë
Pas takimit në presi dencë, kryeministri Edi Rama bëri të qartë se data e zgjedhjeve nuk negociohet dhe se ofroi monitorim si asnjëherë më parë të të gjitha strukturave të shtetit. Nga ana tjetër, kreu i opozitës e akuzoi Ramën si përgjegjësin e krizës politike dhe se u tërhoq nga propozimet e mëparshme duke pranuar vetëm minimumin e tyre. Pas takimit me ambasadorët e BE- së, kryeministri njoftoi se në tryezën e ndërmjetësuar nga presidenti Nishani kishte propozuar një mekanizëm për monitorimin e zgjedhjeve, policisë dhe shkollave si kurrë më parë. "Një monitorim si asnjëherë më parë të gjithë strukturave të shtetit, të Policisë së Shtetit, të Drejtorive Rajonale të Arsimit dhe të gjithë sistemit arsimor ku janë edhe pikat që kanë qenë pika të adresuara si problematike në raportet e mëparshme të ODIHR- it, dhe një rregullore të dakordësuar për mënyrën se si duhet të shmanget qoftë përdorimi i aseteve shtetërore në fushatë, qoftë edhe një kategori e caktuar aktivitetesh që nuk duhet të përdoren në fushatë", - tha z. Rama. Kreu i ekzekutivit përmendi se, kryetari i opozitës Basha nuk ka shtruar në diskutim çështjen e shtyrjes së datës së zgjedhjeve. I pyetur nëse priste përgjigje, Rama tha se "nuk presim përgjigje, ne vazhdojmë punën. Ne jemi në angazhimin e plotë elektoral, por do të gjejmë kohën për të diskutuar deri kur të fillojë shtypja e fletëve të votimit. Nuk e shtroi për diskutim datën e zgjedhjeve". Kryeministri bëri të qartë se, nuk kishte takim tjetër, "por jam i gatshëm, nëse duhet një takim tjetër, ofrojmë maksimumin e garancive, por asgjë më shumë se kaq. Ai garantoi më tej: "Ne do bëjmë punën tonë. Jemi në krye të detyrës, dhe detyrimit për të dalë përpara popullit për të marrë gjykimin me votë do t'i përgjigjemi sipas përcaktimeve që bën Kushtetuta dhe duke respektuar të drejtën sovrane të njerëzve". Pak çaste më pas, kreu i opozitës akuzoi kreun e mazhorancës se u tërhoq edhe nga paketa e propozimeve të 25 prillit kur mbërriti në Tiranë McAllister. Nga ' çadra e lirisë', Basha theksoi se Rama u tërhoq nga oferta e tij e para një jave, ndërsa theksoi se nuk do të bojkotojnë, pasi nuk mund të rrinë duarkryq. Z. Basha përsëriti vendosmërinë për qeverinë teknike, me mandat të qartë garantimin e zgjedhje të lira dhe të ndershme dhe nxjerrjen e kriminelëve nga krimi. Kreu i opozitës, edhe njëherë u bëri thirrje të gjithë shqiptarëve që në 7 maj të mblidhen për të çliruar Kavajën. "Shkova me zotimin e marrë para miqve ndërkombëtarë e veçanti PPE- së, se PD- ja dhe unë personalisht nuk do të lëmë asnjë mundësi pa eksploruar për një kompromis dhe një marrëveshje politike me kushtin e vetëm që të garantojë zgjedhje të lira. Nuk do të ketë bojkot, pasi ne nuk do të rrimë duarkryq teksa bëhen zgjedhjetfarsë. Rama u tërhoq sot edhe nga oferta e javës së kaluar", - theksoi kreu i PD- së Basha.
Kryeministri bëri të ditur se kreu i opozitës nuk ka shtruar në diskutim çështjen e shtyrjes së datës së zgjedhjeve. I pyetur nëse priste përgjigje, Rama tha se "nuk presim përgjigje, ne vazhdojmë punën".