DASH: Të gjitha partitë, pjesëmarrëse në zgjedhje

Kriza, Fajon: Zgjedhjet pa PD- në, legjitime

emër të Departa mentit Amerikan të Shtetit, nënsekretari i Shtetit për Çështjet Politike, Thomas A. Shannon tha dje, se është me rëndësi që "të gjitha partitë politike në Shqipëri të marrin pjesë në zgjedhjet e ardhshme parlamentare". Kjo deklaratë është komunikuar nga ambasadorja e Shqipërisë në SHBA, Floreta Faber, e cila ishte e pranishme në aktivitetin diplomatik në 100 ditët e qeverisjes së re amerikane.

Ambasadorja ka bërë të ditur se gjatë kësaj periudhe të qeverisjes së Trump është konsoliduar partneriteti strategjik mes SHBAve dhe Shqipërisë. "Shtëpia e Bardhë, përmes Zëvendës Këshilltares së Presidentit Trump për Sigurinë Kombëtare, K. T. McFarland, rikonfirmoi mbësh- tetjen e fortë të SHBA- ve për jetësimin e reformave në fushën e sundimit të së drejtës dhe në veçanti përpjekjet e Shqipërisë për jetësimin e reformës në drejtësi, si reforma jetike për vendin", thuhet në postimin e ambasadores Faber. Po dje, Mbretëria e Bashkuar iu bëri thirrje të gjitha partive politike të angazhohen në mënyrë konstruktive për të siguruar pjesëmarrje të plotë në zgjedhjet e ardhshme. "Do të ishte për të ardhur keq nëse partitë zgjedhin të mos marrin pjesë", thuhet në mesazh. Nga ana e saj, eurodeputetja Tanja Fajon, në një intervistë për "Deutsche Welle" u shpreh e shqetësuar për bojkotin e parlamentit nga opozita. Sipas saj, oferta e Fleckenstein dhe McAllister mbetet një ofertë e mirekuilibruar dhe gjithëpërfshirëse. "Përherë është në duart e politikanëve të përgjegjshëm të gjejnë mënyra për të zgjidhur krizën, - sqaron më tej Fajon, - të vënë interesat e qytetarëve mbi interesat personale dhe të punojnë për të mirën e vendit". Në këtë këndvështrim, ajo e konsideron një zhvillim pozitiv faktin që parlamenti zgjodhi Presidentin e ri të Shqipërisë.