Ambasadori amerikan: Larg dhunës, dialog për 18 qershorin
SHBA dhe BE mbështesin shtyrjen e zgjedhjeve në Kavajë Sattler: Vendim i vështirë, por i duhuri
Ambasada e SHBA në Tiranë mbështet thirrjen e kryeministrit Rama për shtyrjen e zgjedhjeve bashkiake në Kavajë, me qëllim që pozita dhe opozita të përqendrohen tek procesi i dialogut. Ambasada amerikane në Tiranë përkrah protestat paqësore, por apelon për vetëpërmbajtje. "Nxisim vazhdimin dhe përshpejtimin e procesit të dialogut, sepse koha që mbetet për t'i zgjidhur çështjet me anë të negociatave përpara zgjedhjeve të 18 qershorit është e kufizuar. Mbështesim të drejtat e shqiptarëve për të protestuar paqësisht dhe nxisim të gjitha palët që të tregojnë vetëpërmbajtje", thuhet në deklaratën e ambasadës. Kjo ambasadë apelon për distancim nga dhuna. "Iu bëjmë thirrje të gjitha partive që të mos angazhohen në akte që mund të nxisnin dhunë, veçanërisht akte që ndikojnë në aftësinë e qytetarëve për të marrë pjesë në zgjedhje dhe për të ushtruar të drejtën e tyre për të votuar. Dhuna nuk ka vend në procesin demokratik", thuhet në deklaratën e ambasadës së SHBA. Edhe ambasada britanike përshëndeti vendimin e Edi Ramës për shtyrjen e zgjedhjeve në Kavajë, duke u bërë thirrje partive politike që të angazhohen për dialog dhe për të shmangur dhunën gjatë periudhës parazgjedhore dhe zgjedhore. "Në vijim të lajmeve të fundit, ambasadori britanik në Tiranë, Duncan Norman përshëndeti vendimin për shtyrjen e zgjedhjeve të pjesshme në Kavajë. Mbretëria e Bashkuar vazh-
don t'u bëjë thirrje të gjitha partive politike për t'u angazhuar në mënyrë konstruktive, me qëllim sigurimin e pjesëmarrjes së
plotë në zgjedhjet e ardhshme. MB ripërsërit thirrjen ndaj të gjithë anëtarëve të partive politike të sigurohen për shmangien e dhunës KQZ ka verifikuar listat e kandidatëve të PDIU dhe LSI. Sipas "BW", nga shqyrtimi i dokumentacionit është konstatuar se nga LSI janë tre kandidatë, kurse nga PDIU katër kandidatë, të cilët kanë pasur në të kaluarën precedentë penalë, por pavarësisht këtij fakti, në zbatimit të ligjit ata nuk janë ndaluar për të garuar në 18 qershor. gjatë periudhës parazgjedhore dhe vetë zgjedhjet", thuhet në njoftimin e ambasadës britanike. Po dje reagoi edhe ambasadori austriak, Johann Sattler, sipas të cilit tërheqja nga zgjedhjet në Kavajë është vendim i vështirë, por i duhuri për të shmangur ngërçin e mund-
shëm. Edhe ambasadori britanik në Tiranë, Duncan Norman përshëndeti vendimin për shtyrjen e zgjedhjeve të pjesshme në Kavajë. "Mbretëria e Bashkuar vazhdon t'u bëjë thirrje të gjitha partive politike për t'u angazhuar në mënyrë konstruktive, me qëllim sigurimin e pjesëmarrjes të plotë në zgjedhjet e ardhshme", - tha Norman. Kurse ambasadorja e Gjermanisë, Suzan Schutz theksoi se ky veprim i shërben zgjidhjes së krizës politike, ndërsa u bëri thirrje palëve të shmangin çdo veprim që mund të shndërrohet në dhunë. "Ambasada gjermane ka mirëkuptim për vendimin për shtyrjen e zgjedhjeve lokale në Kavajë, për të mbajtur të hapur kësisoj rrugën për bisedime midis qeverise dhe opozitës në interes të një zgjidhjeje të krizës aktuale politike dhe pjesëmarrjen sa më të gjerë politike në zgjedhjet parlamentare. Ne mbështesim përpjekjet e palëve të përfshira për të vazhduar këtë dialog, me qëllimin për të gjetur një zgjidhje në bazë të Kushtetutës së Shqipërisë", - tha Schutz.