Vasili: Zgjedhjet të zhvillohen në një klimë të qetë
Kryetari i LSI- së pret kreun e Misionit të Vëzhgimit të Zgjedhjeve të OSBE/ ODIHR- it "Fushata zgjedhore të përqendrohet te gara mes programeve të partive"
Kryetari i Lëvizjes So cialiste për Integrim, Petrit Vasili priti dje në një takim kreun e Misionit të Vëzhgimit të Zgjedhjeve të OSBE/ ODIHR- it, Peter Tejler, me të cilin diskutuan në lidhje me zgjedhjet e 25 qershorit. Gjatë takimit, Vasili theksoi se këto zgjedhje duhet të zhvillohen në një klimë sa më të qetë dhe se fushata zgjedhore duhet të përqendrohet te gara mes programeve të partive si dhe rritja e besimit te Parlamenti i ardhshëm. "Lëvizja Socialiste për Integrim ka promovuar në listat e saj për deputetë të rinjtë dhe gratë, duke i dhënë një moral dhe cilësi Parlamentit të ardhshëm", - u shpreh kryetari i LSI, Vasili. Nga ana e tij, kreu i Misionit të Vëzhgimit, z. Peter Tejler ndau mendimin që zgjedhjet të jenë sa më paqësore dhe në respek- tim të ligjit zgjedhor. Sipas z. Tejler, këto janë objektivat më të rëndësishme që këto zgjedhje duhet të realizojnë për të ardhmen e vendit. Gjithashtu, z. Tejler shprehu gatishmërinë për të mbajtur kontakte të vazhdueshme me Lëvizjen Socialiste për Integrim për problematikat që lidhen me procesin zgjedhor të 25 qer- shorit. Sakaq, z. Vasili konfirmoi gatishmërinë për një bashkëpunim intensiv me OSBE/ ODIHR dhe me kreun e misionit, z. Peter Tejler.
FUSHATA
Ndërkohë, LSI vijoi fushatën edhe dje në të gjitha qytetet e fshatrat e vendit. Kreu i LSI- së në Durrës, Lefter Koka është ndalur në një takim me banorë të Sh- kallnurit, pjesë e njësisë administrative Rrashbull, Bashkia Durrës. Ministri Koka u ndal te problematikat që shqetësojnë banorët e këtyre zona, duke u shprehur: "Merrni fatet e familjeve tuaja në dorë, me votë vendosni të ardhmen e tuaj dhe votoni LSI, si e vetmja dritë jeshile që mund të shohë populli pas 25 qershorit. Kjo garë elektorale ka një entuziazëm dhe këtë e shohim te ju, te miqtë tanë që po na mbështesin sot për herë të parë. Jemi të vetëdijshëm që bashkëqeverisja ka prodhuar suksese, por edhe gjëra që kanë dëmtuar rëndë jetën e njerëzve apo edhe imazhin e vetes tonë. Trumbetimi ndryshe i së vërtetës, nuk përkon me filozofinë tonë, me filozofinë e LSI për transparencë. Ishkomuna e Rrashbullit ka një histori të hidhur si është administruar, qoftë nga ana e infrastrukturës, qoftë në jetën tuaj direkt", tha Koka.