Basha, qytetarëve: Me timon, pa timon, asnjë s'flet për hallet tuaja
Kreu i PD- së: Politikanët do shkarkohen nga qytetarët nëse nuk mbajnë premtimet "Të rrëzojmë me votë republikën e vjetër"
Kryetari i PD- së, Lul zim Basha ironizoi deklaratat e përsëritura nga rivalët e tij, Edi Rama dhe Ilir Meta, sa i takon ' makinës me një timon'. Nga Fieri, Basha u shpreh se ata flasin për timon dhe frena, por asnjëherë për hallet e qytetarëve. "Me timon, pa timon, më duhet në prehër, s'më duhet në prehër, timoni, marshi, asnjë s'flet për hallet tuaja", - tha Basha. Ai u bëri thirrje qytetarëve që të rrëzojnë me votë republikën e vjetër. "Sado i zoti të jesh, është e pamundur të çash nëse nuk e ke mirë me rrotën e pushtetit. Kjo nuk është demokracia e standardit europian, të cilin unë e kam njohur në Holandë dhe s'kam çarë përpara prej njohjeve, por prej përpjekjeve. Kjo është si shumë histori suksesi shqiptarësh jashtë vendit, por jo këtu, sepse këtu kush çan është miku i dikujt. Të shembim republikën e politikanëve që kontrollojnë gjithçka", - u shpreh kreu i opozitës. "Nesër si kryeministër do anuloj çdo projekt ogurzi që ndot ajrin e Fierit dhe të Shqipërisë", - premtoi ai, ndërsa tha se deputetët do zgjidhen drejtpërdrejt nga populli, pa filtra partiakë apo politikanësh. "Politikanët do shkarkohen nga qytetarët nëse nuk mbajnë premtimet sipas mundësive kushtetuese dhe ligjore", - pohoi Basha.
Ndërkohë më herët, Basha bisedoi me banorë të Unazës së Re në Tiranë. Lulzim Basha u ka shpjeguar nga afër sot qytetarëve planin e tij ekonomik që do të çlirojë energji, do të rrisë konsumin, do të sjellë të ardhura në xhepin e shqiptarëve, do të krijojë vende pune e do nxisë prodhimin. Në zonën e Unazës së Re, Basha u takua me pronarë të biznesit të vogël, të cilët i siguroi se detyrimi i tyre do të jetë vetëm 1.5 për qind e xhiros vjetore, dhe një pullë në xham që tregon
shlyerjen e kësaj shume, do të mbajë larg tatimorët dhe abuzuesit që kanë lodhur e grabitur dyqanet e njësitë tregtare gjithë këto vite. Bizneseve Basha u tha se nuk do të shqetësohen më nga tatimorët. "Nuk do shohësh më inspektor me sy. Vetëm po erdhi jashtë orarit të punës, të blejë byrekë, përndryshe, po erdhi me detyrë zyrtare dhe u fut brenda biznesit kur ti ke pullën aty, ai shkon për ndjekje penale", - tha Basha. Kryetari i opozitës u tha qytetarëve se Shqipëria po vuan jo vetëm mosmbajtjen e premtimeve nga Edi Rama, por sidomos faktin se ai nuk bëri asnjë përpjekje
në 4 vite, dhe i braktisi premtimet që ditën e parë, dhe zgjodhi prioritete të gabuara që nuk ishin në interesin e njerëzve, por të lidhura me tekat e tij. "Ekonomia do të jetë prioriteti im i palëkundur", - tha Basha. Ndërsa në Burrel ai u takua me biznesmenë të vegjël. "Ulje të taksave, subvencione për fermerët, sepse këtu kemi më shumë fermerë. Rritje konsumi që sjell rritje të kërkesës në treg, rritje të prodhimit, rritje të kreditimit, dhe paratë e shtetit nuk do të hidhen më për investime koti për palma, do të hidhen për investime që ndihmojnë ekonominë", - tha ai. "Ulje të taksave, subvencione për fermerët, sepse këtu kemi më shumë fermerë. Rritje konsumi që sjell rritje të kërkesës në treg, rritje të prodhimit, rritje të kreditimit, dhe paratë e shtetit nuk do të hidhen më për investime koti për palma, do të hidhen për investime që ndihmojnë ekonominë".