Rama: Nuk rri kryeministër nëse administrata do jetë peng i partive
Kryeministri flet "troç": Koalicioni ynë ka bërë shumë reforma, e pamohueshme "Fatosi e tha bukur: Nuk është punë timoni, por destinacioni"
Kryeministri Edi Rama e tha dje, "troç" se nuk mund të rrijë më në karrigen e kreut të qeverisë duke vijuar që administrata të jetë peng i partive. Në rubrikën e tij "Komunikimi javor", që e bëri nga Mallakastra, Rama u shpreh: "Lejomëni sot t'jua them sinqerisht, fare troç: nuk kam më asnjë motiv të rri në karrigen e kryeministrit si deri më sot duke pranuar që administrata e shtetit të vazhdojë të rrijë peng i partive, duke pranuar që për të marrë votat për një reformë për të bërë shtet të pranojmë shantazhet dhe listat e kërkesave të partive të koalicionit për t'u lëshuar drejtorinë në këmbim të votës, dhe deri te vende pastruesesh nëpër institucione për votën për një reformë. Duke pranuar dorëzimin përballë këtij kanceri sfilitës në trupin e shtetit që duhet operuar rrënjësisht sot për të vazhduar ngritjen në këmbë të shtetit shqiptar". "Për mua është më e qartë se kurrë, Shqipëria kërkon një vendim historik më 25 qershor. Nga ai vendim nuk do varet kush do të qeverisë në katër vitet e ardhshme, por si do të jetë ky vend. Pas katër vitesh, administrata e shtetit do të kthehet, nga halli juaj i madh sa herë niseni për te një zyrë, në shërbëtorin më të madh tuajin të zhvillimit ekonomik dhe social, punësimit dhe mirëqenies kombëtare dhe familjare shqiptare, dhe këtë e vendos vota", - u shpreh kryeministri. Sipas tij, "kanë shumë për të humbur punonjësit e përkushtuar të këtij shteti në çdo sektor nëse nuk bëhen bashkë për të vazhduar në rrugën ku jemi nisur dhe nga ku duan të na zmbrapsin sot më shumë se kurrë partitë e tepsisë së pushtetit, sepse sot më shumë se kurrë vendoset e ardhmja". "Partitë duan medoemos të futen në oborrin e pushtetit për të vazhduar të ushqehen, të rriten, të forcohen duke mbajtur duart në tepsinë e pushtetit. Nuk e kërkoj timonin e qeverisjes pa të tjerë në prehër për të luajtur shoferash në kurrizin tuaj, por për të rritur shpejtësinë e reformave, ekonomisë, punësimit dhe integrimin e Shqipërisë në BE", - shpjegoi kryeministri. Duke kërkuar një votë popullore në mbështetje të PSsë në 25 qershor, Rama garantoi se porta e drejtësisë do të hapet deri në fund në katër vitet e ardhshme, sikundër edhe porta e shërbimit në zyrat e shtetit. "U kërkoj sot ndihmë të gjithëve pa dallim bindjesh politike që të bëjmë për këtë vend atë që na kanë lënë amanet të gjithë njerëzit që e deshën këtë vend. Unë e kam ndarë mendjen për të luftuar deri në ditën e fundit në këtë detyrë për Shqipërinë që frymëzuesit e mi, rilindësit tanë donin për ne dhe që ne duam për fëmijët tanë", - u shpreh Rama.
Ndërkohë, dje pasdite në Mallakastër, para banorëve ai u shpreh se koalicioni PSLSI ka bërë shumë punë për reformat, dhe kjo sipas tij është e pamohueshme. "Ne kemi bërë shumë reforma, koalicioni ynë ka bërë shumë reforma; kjo është e pamo-
hueshme! Por sot është momenti që t'ju kërkojmë hapur një votë që do garantojë përgjegjësi të plotë për PSnë. Një votë që do na japë timonin e reformave pa qenë të detyruar që të ulim të tjerë në prehër. Të tjerë që s'duan përgjegjësi, por dorën në tepsi", - tha Rama.
SHPALLJE ANKANDI
"Sfida jonë është ta rrisim ekonominë mbi 5%", - tha më tej ai. Më herët, në takimin elektoral në Rrogozhinë, Rama foli edhe për takimin me ish- kryetarin e PS- së, Fatos Nano. "Shpresoj shumë që t'ia dalim në zgjedhje dhe, në fakt, Fatosi e tha bukur mbrëmë: Nuk
është punë timoni, është punë destinacioni. Ai është edhe shofer i sprovuar, kështu që i ka të gjithë përbërësit e nevo- jshëm të eksperiencës dhe të teknikës së dhënies së makinës, për të kuptuar se këtu s'është qëllim në vetvete", - tha Rama.
SHPALLJE ANKANDI