Vrasja e Artan Cukut, arrestohet Mikel Shallari
24- vjeçari nga Kuçova u zbulua nga ADN- ja. Prokuroria: I ofruam bashkëpunim me drejtësinë, s'pranon krimin Haki Çako: I riu ekzekutoi komisarin, nuk e dimë kush është porositësi
Dy muaj pas vrasjes së komisar Artan Cukut, forcat speciale operacionale të Policisë së Tiranës kanë arrestuar 24vjeçarin Mikel Shallari, i cili dyshohet të jetë autori i ngjarjes që tronditi jo vetëm banorët e kryeqytetit, por gjithë opinionin publik. I riu nga Kuçova dhe banues në Qytetin Studenti, u kap në orët e para të mëngjesit të djeshëm te "Pallati me Shigjeta" teksa udhëtonte me makinë me një mikeshën e tij nga Lushnja dhe një person që nuk rezulton të jetë i përfshirë në atentatin ndaj Cukut, ngjarje kjo e ndodhur më 8 prill të këtij viti në "Rrugën e Kosovarëve" në Tiranë. Drejtori i Përgjithshëm i Policisë së Shtetit, Haki Çako dhe prokurori i Krimeve të Rënda, Enrik Ligori kanë konfirmuar se Shallari është autor i ekzekutimit të ish- zyrtarit të lartë të Policisë, Artan Cuku. Në një konferencë për shtyp dhënë ditën e djeshme, Çako deklaroi se përmes provave të grumbulluara gjatë hetimit është arritur në konkluzionin se Mikel Shallari është vrasësi i Cukut. Mësohet se prova kryesore që çoi në zbulimin e tij është profili gjenetik i ADN- së. Pas atentatit, autori ka hequr bluzën që mbante veshur dhe e ka hedhur në një kosh mbeturinash pranë vendit të krimit. Ndërkohë, hetimet për vrasjen e komisar Artan Cukut vazhdojnë, për të saktësuar nëse 24vjeçari është vetëm ekzekutori apo edhe ideatori i këtij krimi. Burime nga policia pohuan se dyshohet që Shallari ( person me precedentë të mëparshëm penalë) dyshohet të jetë përfshirë në aktivitetin kriminal të vrasjeve me pagesë, por ende nuk ka pranuar të bashkëpunojë për të treguar porositësit e ekzekutimit të Cukut.
ARRESTIMI
Pamjet filmike të publikuara pas vrasjes së komisar Artan Cukut si dhe dëshmitë e dhëna nga dëshmitarët okularë, nuk do të mjaftonin në zbulimin e ekzekutorit. Pakujdesia e vrasësit çoi në zbulimin e tij. Analiza e AND- së e siguruar pas gjetjes së rrobave të tij afër vendit të krimit ka nxjerrë zbuluar Mikel Shallarin. Pas sigurimit të provave, policia ka nisur punën për kapjen e tij. Burime ekskluzive për "News24" dhe "Gazeta Shqiptare", deklaruan se policia ka gjurmuar të dashurën e 24- vjeçarit për të kapur këtë të fundit mëngjesin e djeshëm. Në hetime, mëso-
het se janë përfshirë edhe Interpoli dhe shërbimet sekrete. Pas prangosjes së të riut, blutë kanë shoqëruar dhe marrë në pyetje dhe mikeshën e Shallarit dhe personin tjetër që ishin në makinë me të.
POLICIA
Kreu i Policisë së Shtetit, Haki Çako tha se Mikel Shallari është ekzekutori i vrasjes së Artan Cukut. "Në vlerësim të informacioneve, formave e metodave të policisë dhe ato shkencore dhe
në bashkëpunim të ngushtë me partnerët ndërkombëtarë, më datë 10 qershor 2017, u bë i mundur ekzekutimi i urdhrit të ndalimit të prokurorit për të dyshuarin e vrasjes së ndodhur më 8.04.2017, ku u vra me armë zjarri Artan Cuku, ish- oficer policie. Autori i kësaj ngjarjeje është shtetasi Mikel Edmond Shallari, i datëlindjes 1993, lindur në Kuçovë dhe banues në Qytetin Studenti. Vazhdon puna intensive nën
drejtimin e prokurorisë për dokumentimin e plotë ligjor të kësaj ngjarjeje. Roli i Mikel Shallarit në këtë ngjarje është si ekzekutor", - pohoi Çako. Ndërkaq, i pyetur për provat që dëshmojnë se i arrestuari është autor i vrasjes së komisarit, Haki Çako sqaroi se "provat janë të konsiderueshme dhe po vazhdojmë punën për dokumentimin e plotë të ngjarjes. Detajet i përkasin hetimit dhe do të zbardhen me kal-
PROKURORIA
24- vjeçari, i cili përfundoi në pranga si autor i vrasjes së Artan Cukut, deri disa muaj më parë jetonte në fshatin Dikatër të Kuçovës. Fqinjët e të riut, por edhe banorë të tjerë të fshatit, nuk besojnë që ai është vrasësi i ish- kryepolicit Cuku. Ata pohuan dje se Mikelin e njohin si djalë të urtë dhe jo problematik. Fqinjët thanë se prindërit dhe motra e Shallarit janë vendosur para tre muajsh me banim në Tiranë. "Ai vinte në fundjavë nga Tirana këtu në fshat dhe punonte tokën së bashku me të atin. Babai i tij punon si shofer. Ne nuk e besojmë që ai është vrasësi. Kjo është e pabesueshme", pohuan banorët e fshatit Dikatër.
imin e kohës. Sigurisht që është një person me precedentë, i skeduar nga Policia e Shtetit".
Prokurori i Krimeve të Rënda, Enrik Ligori, i cili ka ndjekur çështjen, deklaroi se deri tani dihet vetëm ekzekutori i Cukut, ndërsa porositësi ende jo. Përfaqësuesi i akuzës u shpreh se janë mbledhur prova të mjaftueshme që fajësojnë Mikel Shallarin si vrasës të komis-
ar Artan Cukut dhe se të riut i është ofruar bashkëpunim me drejtësinë, por deri tani ai nuk e ka pranuar krimin. Gjithashtu, Ligori pohoi se nuk dihet nëse ngjarja ka ndodhur për motive hakmarrjeje. "Ende nuk dihet se kush është ideatori, por është e sigurt se pistoletën e ka shkrepur Shallari. Ideatori mund të jetë Mikel Shallari, mund të jetë dikush tjetër. Unë kam pasur dy komunikime me të. Ai vazhdon të mohojë përfshirjen e tij në krim. I janë treguar të gjitha provat që e ngarkojnë atë me përgjegjësi. I janë ofruar të gjitha lehtësitë që parashikon ligji në rastet e bashkëpunimit me drejtësinë. Ne jemi në komunikim të vazhdueshëm me të", - tha prokurori.