Zgjedhjet në Kosovë, fiton Ramush Haradinaj
Koalicioni PAN fiton 34% të votave, Lëvizja Vetëvendosje renditet e dyta Kreu i AAK- së: Kemi fituar bindshëm
Ramush Haradinaj do të jetë Kryeministri i ri i Kosovës. Të paktën kështu raportojnë exitpoll- et e publikuara menjëherë pas mbylljes së votimeve, por edhe rezultatet e 70% të votave të numëruara. Me një diferencë të madhe nga LDK- ja dhe Vetëvendosja, koalicioni PAN kryeson me rreth 34%. PDK- AAKNisma qëndroi e para në përqindje, sipas rezultateve preliminare të DnV- së, nga numërimi i 70 për qind të vendvotimeve. VV- ja ka shënuar sërish rritje, duke iu larguar gati 1 për qind diferencë LDK- AKR- së. Sipas rezultateve të DnV- së, PDK- AAK- Nisma kanë fituar 34,2 për qind të votave. VV- ja vazhdon të qëndrojë e dyta në radhitje me 26,3 për qind, ndërsa LDK- AKR- ja të tretët me 25,8 për qind. Rritje ka shënuar edhe lista "Srpska", e cila ka arritur 4,2 për qind të votave. DnV raporton se partitë e tjera, gjithsej kanë grumbulluar 9,5 për qind të votave në zgjedhjet e jashtëzakonshme parlamentare. Kështu, nga ky rezultat, mendohet se Haradinaj do të jetë Kryeministri i ri i Kosovës. Fitoren e Haradinajt e kanë marrë të mirëqenë edhe mediat ndërkombëtare. Ndërsa Serbia shprehet e shokuar për këtë rezultat, "BBC" raporton se Ramush Haradinaj do të jetë kreu i ri i ekzekutivit. "Një ish- komandant i kryengritësve, i kërkuar nga Serbia për krime të supozuara të luftës, pritet të fitojë zgjedhjet parlamentare në Kosovë, sugjeron një exit poll", shkruan transmetuesi publik britanik "BBC" për epilogun e zgjedhjeve. "Ramush Haradinaj, ish- kryeministër, udhëheq një koalicion të partive që kanë dalë nga lufta çlirimtare", thuhet më tej në artikull. "Koalicioni i tij mund të fitojë 40 për qind të votave, sipas sondazhit të televizionit ' Klan Kosova'", thekson media britanike. Ajo që ka shkaktuar mjaft çudi është rënia e LDK- së, e cila në këto zgjedhje ka dalë në vendin e tretë sipas sondazheve. Koalicioni i kryeministrit Isa Mustafa, i udhëhequr nga Lidhja Demokratike e Kosovës, pritet të marrë 27 për qind të votave deri në fund. Sipas exit- poll- it të "Klan Kosovës", Koalicioni PAN, mes Aleancës për Ardhmërinë e Kosovës, Partisë Demokratike dhe Nisma- s, ka fituar 40 për qind të votave, Lëvizja Vetëvendosje e vetme ka fituar 30 për qind të votave, ndërsa Koalicioni i LDK- së LAA ka fituar 27 për qind të votave, një rezultat që ende nuk është definitiv. Megjithatë, partia e Ramush Haradinajt dhe mbështetësit e tij janë për-
gatitur për të festuar. Kjo pasi kandidati për kryeministër i vendit nga koalicio-
Një
orë para mbylljes së procesit të votimit, vëzhguesit e DnV- së kanë raportuar disa shkelje në procesin e votimit në Kosovë. Sipas tyre, në votime kanë marrë pjesë 37% e qytetarëve, mes të cilëve disa kanë tentuar të votojnë më shumë se një herë. Janë shënuar gjithsej 117 raste, në 48 vendvotime, kryesisht në komunat Pejë ( 15), Gjakovë, Prishtinë dhe Skënderaj
ni PKD- AAK- Nisma, Ramush Haradinaj, ka shprehur bindjen se do të jetë
Kryeministër i Kosovës. Ai tha se kanë marrë mjaftueshëm vota për krijimin e
qeverisë dhe se është e gjatë lista e punëve që do të bëjnë. Haradinaj ka treguar se cilat do të jenë punët e para që do të bëjë në marrjen e mandatit të kryeministrit. "Kemi fituar bindshëm dhe rezultati është i mjaftueshëm për krijimin e qeverisë", - tha Haradinaj për televizionin "Rrokum". Megjithatë, të bindur për fitoren janë shprehur edhe nga Vetëvendosja. Kjo parti ka deklaruar në një konferencë për shtyp se ka arritur të jetë në vendin e parë me 33% të votave. Më tej, Lëvizja Vetëvendosje është shprehur se po përgatitet për formimin e qeverisë së re e vetme. Albin Kurti, i nominuari i Vetëvendosjes për kryeministër, ka reaguar pas exit- poll- it që e nxjerr Vetëvendosjen si të dytën në zgjedhjet e sotme me 30 për qind të votave. Ish- lideri i VV- së ka thënë se do të mbrohet çdo votë dhe se numërimet përfundimtare do të jenë më të mira se exit- poll- i. "Lajmet që po vijnë nga përfaqësuesit tanë në të gjitha qendrat e votimit dhe numërimit janë më të mira e më të sakta se çdo anketë apo exit- poll. Çdo votë do të mbrohet, dhe në mbrëmje do të festojmë me një rezultat vërtet të bukur", - ka thënë ai.