PD merr Bashkinë e Kavajës, Sakja: E jashtëzakonshme
Basha: Nga Kavaja do të nisë ringritja e Shqipërisë
Pas
6 vitesh, Bashkia e Kavajës i takon sërish një demokrati, duke i dhënë Isa Sakjes një mandat 2- vjeçar. Ndonëse me një diferencë prej vetëm 28 votash, ai u shpall fitues duke lënë pas Dorjan Muratin e PS- së dhe Maksim Konën e LSI- së. Për Sakjen, kjo ishte një fitore e jashtëzakonshme, e luftuar deri në votën e fundit. "Falënderoj çdo njeri, të majtë e të djathtë, që besoi se Kavajës i duhet ndryshimi. Falënderoj popullin e Kavajës, Luzit, Golemit, Synejt që e kuptuan se Kavajës i duhet një energji tjetër, një energji pozitive", tha Sakja. Premtimi i parë që u dha kavajasve pas fi- tores ishte bashkimi i elektoratit dhe vënia në shërbim të qytetarëve: "Ne do ta bashkojmë qytetin, do ta bëjmë një, të majtë e të djathtë. Jemi në krye të bashkisë për t'i shërbyer qytetit. Boll u ka shërbyer qyteti atyre që kanë qeverisur", theksoi z. Sakja. Pas shpalljes së fitores, orët e para të mëngjesit Sakja dhe Murati janë përshëndetur me njëri- tjetrin. Ndërsa kreu i PD- së z. Basha, përmes një postimi në FB e cilësoi një "lajm të mrekullueshëm, që vjen nga kryeqyteti i lirisë dhe demokracisë. Isa Sakja u zgjodh kryetari i ri i Bashkisë së Kavajës! Urimet e mia më të përzemërta qytetarëve të Kavajës për këtë ngadhënjim mbi krimin, korrupsionin dhe terrorin e bandave! Mirënjohje të thellë demokratëve të Kavajës dhe kryetarit Sakja për këtë fitore ogurbardhë! Nga Kavaja heroike e qëndresës, përballjes dhe fitores do të nisë ringritja e Shqipërisë".