Monika Kryemadhi, në krye të LSI- së, Vasili jep dorëheqjen
Riorganizimi si opozitë e re, ish- kryetari do të drejtojë grupin parlamentar "Elektorati na ngarkoi përgjegjësi të madhe"
Petrit Vasili dha dje dorëheqjen nga posti i kryetarit të LSI- së, pas një muaj drejtimi në këtë post. Tashmë pritet që LSI- në ta drejtojë Monika Kryemadhi, ndërsa vetë Vasili do të jetë në krye të grupit parlamentar të partisë, për të nisur betejën e një opozite të fortë.
Vasili e dha dorëheqjen dje në mbledhjen e kryesisë së LSI- së dhe më pas në një konferencë të posaçme për median, ai sqaroi se kryesia "vendosi edhe mënyrën e ristrukturimit dhe riorganizimit të LSI në opozitë, pasi fronti në të cilin është LSI, është një front shumë i gjerë, është një moment historik për LSI, pasi elektorati ka ngarkuar një përgjegjësi tepër të madhe dhe të rëndësishme, njëkohësisht për të mbajtur frontin opozitar dhe për t'i dhënë më në fund Shqipërisë opozitë". Sipas tij, "ky rol i ri kërkon energji të reja, intensitet shumë të lartë edhe se më parë, sepse kjo përgjegjësi duhet zhvilluar, nuk janë përgjegjësi që lidhen vetëm me LSI, por janë përgjegjësi që duhet t'i zhvillojmë në funksion të drejtë për interes të qytetarëve shqiptarë". "Ndaj në këtë funksion, personalisht kam vendosur që të paraqes dorëheqjen si kryetar i LSI dhe ia kam paraqitur këtë propozim kryesisë së LSIsë dhe i kam kërkuar asaj dhe kam marrë besimin e saj që të drejtoj Grupin Parlamentar të LSI- së, që është një grup me detyra krejtësisht të reja, shumë herë më të mëdha sesa grupi që ajo ka pasur në kohën kur ishte pjesë e qeverisjes, pasi fronti parlamentar do të jetë në frontet prioritare të luftës sonë të re në opozitë", deklaroi Vasili. "Njëherazi fronti tjetër shumë i madh, kapilar, intensiv, i shtrirë në tërë territorin, në çdo qelizë ku mbi 80% e shqiptarëve presin përgjigje të mëdha dhe presin që të motivohen e frymëzohen për t'i dhënë përgjigje një 20% pakice ( dhe kjo gjysma e blerë), që po kërkon të uzurpojë vendin. Pikërisht në funksion të këtij dinamizimi të ri të partisë t'i propozoj LSI- së nga ana ime Monika Kryemadhin si kandidate për kryetare të Lëvizjes Socialiste për Integrim, bazuar jo thjesht në pozicionin e zv. kryetares që ajo mbulon aktualisht, por në radhë të parë për kualitetin politik të jashtëzakonshëm, tashmë të njohur nga i gjithë publiku shqiptar", njoftoi Vasili. Ai shtoi se i ka propozuar kryesisë që në pozicionin e zv. kryetarit të jetë z. Luan Rama, ndërsa Erisa Xhixho në postin e nënkryetares së LSI- së, që mendohet të jetë vakant nga Luan Rama. Këto ndryshime pritet të votohen ditën e mërkurë nga Konventa e LSI- së. "Ringritja e një fryme të re është një mision i LSI- së dhe ne do ta kryejmë me atë përkushtim, siç e kemi bërë në këto 13 vite duke qenë shembulli më i mirë, më i qartë, më i freskët dhe më transparent i një politike kre- jtësisht të re, për të cilën shqiptarët kanë nevojë dhe jo për riciklimin e politikave të vjetra", tha Vasili. Sa u përket kandidaturave që mund të rivalizojnë Monika Kryemadhin, Vasili tha se kanë mundësi deri ditën e hënë. I pyetur se nëse Kryemadhi zgjidhte kryetare, a duhet të japë dorëheqjen Ilir Meta nga president, Vasili tha: "Znj. Kryemadhi është një politikane që nga viti 1991 dhe është aktualisht zv. kryetare e LSIsë, kështu që duke qenë zv. kryetare, duke qenë pjesëtare aktive dhe deputete, përgjigja ime është shumë e qartë. Është natyrshëm në pozicionin ku ajo duhet të ndodhet, është një nga personalitetet më të rëndësishme të LSI- së. Ka një pozicion të ri, që nga pikëpamja organizative i jep një dimension të jashtëzakonshëm LSI- së, për të cilin LSI- ja ka nevojë, sepse edhe misioni i ri ia kërkon". Shefi i vëzhguesve të OSBE- ODIHR- it deklaroi dje se në zgjedhjet që kaluan "ka pasur presione nga një numër i caktuar personash, jo vetëm nga kriminelë, por presione në mënyrë të veçantë në shërbimin civil. Interesante është se u pa gjithashtu se ka pasur votime të autorizuara, kemi parë firma identike kur shohim vendin ku hidhet firma. Ka gjithashtu edhe votim në grup".