Gjykata e Lartë liron nga burgu anëtarin e bandës së Durrësit

Indrit Taullai u lirua për arsye shëndetësore

Gjykata

e Lartë i dha li rinë një tjetër anëtari të bandës së Durrësit. Bëhet fjalë për Indrit Taullain, i cili ishte dënuar me 25 vite burgim për disa vepra penale. Vendimi erdhi pas kërkesës së Taullait, pasi vuan nga një sëmundje e rëndë dhe i duhet të trajtohet jashtë ambienteve të burgut. Kështu, Kolegji Penal urdhëroi lirimin e tij për arsye shëndetësore, pasi krijoi bindjen se në ambientet e burgut nuk mund t'i jepet trajtimi i duhur. Nisur edhe nga fakti se Taullai ka kryer pjesën më të madhe të dënimit, Kolegji vendosi ta dërgojë atë në shtëpi, ku të mund të marrë kujdesin e nevojshëm. Vetëm pak orë pas verdiktit, Indrit Taullai la qelitë e burgut të Durrësit, ku vuante dënimin. Ai ka qëndruar për disa vite me radhë në ambientet e burgjeve të sigurisë së lartë, pasi ishte dënuar me burgim të përjetshëm, për vrasje, pjesëmarrje në grup të strukturuar kriminal si dhe krime të tjera të rënda. Por tri vite më parë, Gjykata e Lartë prishi vendimet e shkallëve më të ulëta dhe e dënoi atë me 25 vite burgim, çka i hapi rrugë edhe lirimit. Më herët, gjykata e Apelit Durrës liroi me kusht Lulzim Berishën, kreun e bandës së Durrësit, duke e urdhëruar të mbante kontakte me shërbimin e provës për një periudhë 3vjeçare. Lirimi i këtij të fundit solli mjaft reagime, ndër to edhe të ndërkombëtarëve, e u bë shkak për nisjen e një hetimi ndaj gjykatës dhe arrestimin e zyrtarëve të bur- gut. Banda e Durrësit u godit nga policia në vitin 2005, kur pjesa dërrmuese e anëtarëve të saj, mes tyre Lulzim Berisha, Endrit Dokle e Indrit Taullai, u vunë në pranga. Anëtarët e kësaj bande akuzoheshin për një sërë vrasjesh si dhe për disa krime të tjera të rënda. Nga të ashtuquajturit anëtarë të bandës së Durrësit, të vetmit që mbi supe i rëndon dënimi i përjetshëm është Endrit Dokle.