Kreu i PD- së, përballja e 22 korrikut mes Bashës e Selamit
Zbardhen debatet në kryesi, kërkohet analiza e humbjes, Imami: Çështja, edhe në gjykatë Shehu, Malltezi e Bushati, amendament për ndërprerjen e procesit
Lulzim Basha dhe Edu art Selami do të jetë përballë njëri- tjetrit në garën për kreun e ri të PD- së. Mbledhja e mbrëmshme e PD- së skualifikoi 5 kandidatët e tjerë, pasi nuk kishin plotësuar kriteret. Pas humbjes së PD- së në zgjedhjet e 25 qershorit dhe hapjes së garës për zgjedhjen e kreut të ri të PD në 22 korrik, u mblodh mbrëmë kryesia e Partisë Demokratike. Gjatë mbledhjes së shoqëruar me debate munguan Lulzim Basha, Genc Ruli, Jorida Tabaku dhe Ridvan Bode. Në mbledhjen e drejtuar nga Edi Paloka, Edmond Spaho dhe Arben Ristani u shqyrtua miratimi i kandidaturave për kryetar të Partisë Demokratike, si dhe ngritja e Komisionit të Organizimit dhe Kontrollit të Operacioneve Elektorale. Në kryesi aplikuan 8 kandidatë. Ndërkohë që z. Paloka u shpreh: "Në garë janë 8 kandidatura, propozoj të qëndrojnë 2. Në garë për kreun e PD propozoj Selamin dhe Bashën". Sakaq, grupi anti- Basha kërkoi ndryshim të rendit të ditës. Kërkesa për ndryshimin e rendit u lexua nga Gent Malko, drejtues i Departamentit të Pronave. Por, kjo kërkesë u hodh poshtë, pasi në votimin e hapur mori vetëm 11 vota pro. Pas kësaj, burime për "GSH" thanë se nisën debatet mes Palokës dhe Shehut për interpretimin e statutit të PD. Sipas Shehut, interpretimin e statutit duhet ta bëjë sekretari i përgjithshëm, Arben Ristani ndërsa Malltezi tha se procesi po ecën shpejt pa bërë më parë analizën e humbjes së 25 qershorit. Sipas burimeve, Jamarbër Malltezi, Endira Bushati dhe Sherefedin Shehu kërkuan ndërprerjen e procedurës për zgjedhjen e kryetarit të ri me pretendimin se është shkelur statuti. Të tre Malltezi, Shehu dhe Bushati paraqitën një amendament për analizën e humbjes dhe shtyrjen e zgjedhjeve. Propozimi i tyre hasi në kundërshtimin e dy kryetarëve të PD, Edi Paloka dhe Edmond Spaho dhe mbështetësve të Bashës, ndërsa me votë unanime kryesia vendosi rrëzimin e amendamenteve, duke lënë "O me ne, o kundër nesh! Rugë tjetër nuk ka! Kjo devizë përjashtuese e rrënoi Shqipërinë në 50 vite diktaturë, rrënoi dinjitetin dhe personalitetin njerëzor, por mbi të gjitha moralin shoqëror! Një popull që harron historinë e vet është i destinuar të mos ecë përpara!", shkruan Olli në ' FB'.