Rikthimi i vizave, Malaj: Bashkëpunim me qeverinë holandeze
Këshilla e ish- ministrit: 5 hapat që duhet të ndiqen
Ish-
ministri socialist i Financave, Arben Malaj reagoi dje për lajmin e rikthimit të vizave për shqiptarët nga ana e Holandës, ndërsa sugjeron 5 hapa që duhet të ndiqen menjëherë fillimisht për të qartësuar nëse lajmi është i vërtetë. Kjo kërkesë i drejtohet Ministrisë së Jashtme. Malaj sugjeron edhe me 4 hapa të tjerë lidhur me rrezikun e kthimit të vizave me shtetin evropian. "N. q. s. lajmi nuk është i vërtetë, çdo angazhim publik alarmues është jo i drejtë dhe jo produktiv. Së pari, duhet që ky lajm të konfirmohet nga Ministria e Jashtme; Së dyti, procesi i integrimit europian është i gjatë dhe në këtë periudhë të gjatë, herë pas here, vende të ndryshme mund të paraqesin shqetësime të ndryshme. Shpeshherë, në vendet e BE, gjatë periudhave të tyre elektorale, tensionet kundër hapjes së kufijve dhe tregut të punës dhe sidomos agresiviteti kundër emigranteve është pjesë e platformave elektorale, sidomos në vendet ku e djathta radikale ka gjetur akses në parlament. Së treti, analiza serioze e këtyre kërkesave dhe bashkëpunimi me këto vende dhe institucionet e BE- së për t'i sqaruar, zbutur apo reduktuar këto shqetësime mbetet prioritet i përhershëm i qeverise dhe parlamentit. Së katërti, kërkesat e herëpashershme që BE kushtëzon vendet kandidate apo aspirante nuk bëhen për të ushqyer agresivitetin partiak, por për të përafruar qëndrimet dhe angazhimet e përbashkëta të të gjithë faktorëve politikë dhe shoqërore", shprehet z. Malaj.