Seks ' online' në këmbim të pagesës, në pranga 6 femra dhe një mashkull
Vajzat paguheshin për orët që mbanin klientët në linjë Prostitucion virtual nëpërmjet faqes "Adult Work"
Vajza të reja në kryeqytet bien pre e prostitucionit virtual, të cilat ofrojnë seks ' online' në këmbim të pagesës. Policia e Tiranës në kuadër të operacionit të koduar "Chat line 3" arrestoi ditën e djeshme 5 vajza, të cilat ushtronin prostitucion virtual në një banesë në Bulevardin "Bajram Curri". Gjatë operacionit në pranga ra edhe tutorja e tyre, Dafina Tresa dhe bashkëpunëtori i saj. Nga puna e mirorganizuar hetimore ka rezultuar se shtetasja Dafina Tresa, 32 vjeçe, prej një kohe të gjatë punësonte vajza të moshave të reja dhe i shfrytëzonte ato për prostitucion virtual, i cili zhvillohej ndërmjet logimit në faqet "Adult Work". Uniformat blu bëjnë me dije se arrestimi i vajzave dhe i dy personave që administronin rrjetin është bërë në flagrancë. Mësohet se apartamenti ku kryhej ky aktivitet ka qenë i pajisur me kompjuter, laptop dhe kamera, të cilat përdoreshin për të ushtruar prostitucionin virtual. Policia njofton se tutorja e tyre, administratore e studios "Chat online", ishte Dafina Tresa, një 32- vjeçare nga Tirana, e cila u vu në pranga së bashku me bashkëpunëtorin e saj, Artur Bakalli, 33 vjeç. Vajzat që punonin në këtë apartament ishin të moshës 17- 21 vjeçe, ku 5 prej tyre janë arrestuar, ndërsa po procedohet në gjendje të lirë një 17- vjeçare. Konkretisht në pranga kanë rënë shtetasit: Dafina Tresa, 32 vjeçe, banuese në Tiranë, administratore e studios "Chat Line"; Artur Bakalli, 33 vjeç, banues në Tiranë; Xh. B., 21 vjeçe, banuese në Tiranë; B. D., 32 vjeçe 33 vjeç 21 vjeçe 20 vjeçe 21 vjeçe 19 vjeçe 19 vjeçe
HETIM NË GJENDJE TË LIRË
17 vjeçe
A. B., 20 vjeçe, banuese në Tiranë; E. D., 21 vjeçe, banuese në Tiranë; K. B., 19, vjeçe, banuese në Tiranë; A. K., 19 vjeçe, banuese në Tiranë dhe po ndiqet në gjendje të lirë shtetasja B. D., 17 vjeçe, banuese në Tiranë. Burime nga Policia e Tiranës bëjnë me dije se 32- vjeçarja kishte kohë që merrej me këtë aktivitet kriminal, ku prej më shumë se një viti ajo punësonte vajzat e reja kundrejt pagesave të ndryshme për prostitucion virtual. Vajzat paguheshin për orët që mbanin klientët ' online'. Klientët e kësaj linje të prostitucionit virtual kryesisht ishin shqiptarë, por edhe të huaj. Policia njofton se kanë qenë vetë qytetarët, të cilët kanë dhënë informacion tek uniformat blu për lëvizje të dyshimta në atë apartament. Pas këtyre raportimeve, policia nisi përgjimet nën operacionin e koduar "Chat line 3". Policia njofton se ka sekuestruar në cilësinë e provës materiale: 9 kompjuterë, 9 kamera për komunikim ' online', 2 lap- topë, 16 lodra seksi dhe sende të tjera të cilat përdoren si lodra seksuale. Burime nga Policia e Tiranës bëjnë me dije se ky është rasti i dytë brenda pak muajve, ku zbulohen rrjete prostitucioni virtuale. Materialet iu referuan Prokurorisë së Rrethit Gjyqësor Tiranë, për veprat penale "Shfrytëzim i Prostitucionit", "Mbajtja e lokaleve për prostitucion", për shtetasen Dafina Tresa; për veprën penale të "Shfrytëzimit të prostitucionit", për shtetasin Artur Bakalli, ndërsa për shtetaset XH. B., A. B., E. D., K. B., A. K. dhe E. D., për veprën penale të "Prostitucionit".