Kryemadhi mbledh grupin: Opozitë me keqqeverisjen
Kreu i LSI: Keqqeverisja rrezikon të kthehet në një situatë të pakontrollueshme "Integrimi në rrezik, do jetë prioriteti ynë"
Dy ditë para nisjes së seancës së parë plenare, LSI mblodhi dje grupin e ri parlamentar për përcaktimin e prioriteteve, të cilat kjo forcë politike do të ketë përgjatë kësaj legjislature. Kryetarja e LSI, Monika Kryemadhi paraqiti programin e partisë ndërsa foli për aksionin opozitar që pritet të nisë LSIja. Ajo bëri të ditur se grupi do të votojë çdo nismë që ka të bëjë me integrimin pasi ky është objektivi i LSI- së. "LSI si një parti e stabilitetit politik, e cila në të gjithë jetëgjatësinë e saj 13 vjeçare i ka ofruar vendit stabilitet, jo vetëm në jetën politike e jetën parlamentare, por edhe në rajon. Ne këtë nisëm dhe iniciativë do ta vazhdojmë edhe më tej. LSI që në krijimin e saj ka pasur në themel të saj integrimin europian, ne do të jemi një grup parlamentar, i cili do të votojë dhe miratojë çdo iniciativë ligjore, çdo veprim politik dhe ligjor që ka të bëjë me integrimin europian", theksoi zj. Kryemadhi. Sipas saj kjo do të bëhet pa asnjë mëdyshje, sepse ky është edhe një nga objektivat jo vetëm të LSI- së, por ky është edhe një nga objektivat më kryesore që shqiptarët e dëshirojnë dhe e duan më shumë se çdo gjë tjetër, pra integrimin europian. "Por nga ana tjetër, çdo ditë e më shumë ne po shikojmë që këtë hapësirë qeveria çdo ditë e më shumë po e zvogëlon, po e zvenit dhe po e eliminon. Duke qenë një parti e zhvillimit dhe e përparimit të vendit ne do të mbështesim, gjithashtu, çdo iniciativë që ka të bëjë me zhvillimin ekonomik, social dhe kulturor që ka lidhje të drejtpërdrejtë me qytetarët. Do të jemi në opozitë me keqqeverisjen, nuk do Nënkryetari i LSI- së, Luan Rama, ka marrë një certifikatë mirënjohjeje nga Kosova. Rama ka marrë statusin e veteranit të UÇK për kontributin e dhënë gjatë luftës së Kosovës. Rama postoi dokumentin e qeverisë së Kosovës që i njeh atij statusin e kontribuuesit gjatë luftës. Certifikatën, ai e ka marrë nga miku i tij, Sadik Halitja.