Shkrirja e drejtorive, Rama: Do të ketë testim për administratën
Kryeministri flet pas mbledhjes me kabinetin: Rritje ekonomike mbi 5% në 2019 "Opozita në protestë për Ruçin? Kush provokohet, hipokrit"
Kryeministri Edi Rama bëri të ditur dje se ad ministrata do të jetë në testim dhe nuk do të ketë largime mekanike nga puna, për shkak të shkrirjes së drejtorive në ministri të ndryshme. Gjatë një bashkëbisedimi me gazetarë, mëngjesin e djeshëm në Velipojë, atje ku mbajti takimin e dytë informal të kabinetit të ri, Rama sqaroi: "Burimet njerëzore janë të nevojshme. Nga pikëpamja e cilësisë së tyre, bazuar në ligjin e Nëpunësit Civil, në rastet kur ata janë në shërbimin civil, ne do të ndjekim një proces shumë të arsyeshëm dhe do të bëjmë testime për cilësinë e burimeve njerëzore. Që do të thotë që nuk do të kemi një prerje me thikë se cila ministri e drejtori shkrihet brenda një tjetre, sjell automatikisht largimin nga puna të atyre që janë në atë ministri apo drejtori". I pyetur nëse po kërkon të krijojë një pushtet absolut, me bashkimin e shumë agjencive, Rama tha: "Këto institucione janë shumë më funksionale nëse kompaktësohen në funksion të qëllimeve dhe të funksioneve që mbulojnë. Nga pikëpamja e numrit është një administratë e vogël, krahasuar me shumë vende të tjera, por kemi shumë më tepër drejtorë sesa në shumë vende të tjera. Që do të thotë, ne kemi shumë drejtori që janë kot, ose që janë gjysmake, ose që për shkak se janë krijuar në funksion të zgjerimit të influencës së partive në sistem nuk e kryejnë dot funksionin e tyre ashtu siç duhet. Bashkimi i tyre vetvetiu sjell shumë më tepër kompaktësi dhe bën që ato të realizojnë shumë më mirë qëllimin".
DROGA
"Qeveria e ka fituar betejën me kanabisin. Edhe partnerët tanë ndërkombëtarë e konfirmojnë se terreni është tërësisht i pastruar nga kjo mortje. BE është e informuar në kohë reale për progresin", deklaroi dje kryeministri Edi Rama, i pyetur në lidhje me një nga kërkesat kyçe të BE- së për integrimin e Shqipërisë. Qeveria po përgatit një plan operacional të Kryeministri Edi Rama mësohet se pas përfundimit të mbledhjes me ministrat është nisur për në Tiranë, por është kthyer nga rruga, duke takuar deputetin e LSI- së, Agron Çela, i cili njihet si një njeri i biznesit në Shkodër dhe me ndikim në këtë qytet. Nuk dihet se çfarë kanë biseduar mes tyre kryeministri e Çela.
detajuar për të goditur përfundimisht grupet kriminale, duke bllokuar edhe asetet e tyre financiare, bëri të ditur ai. "Do ta shtrijmë këtë proces deri kur feudali i fundit të jetë dorëzuar, sepse historia e Shqipërisë së ndarë mes feudësh dhe të fortësh është një histori e vjetër e trashëguar dhe është e papranueshme. Kush ka pasuri të çfarëdollojshme,
nga pasuria e madhe me 4 rrota deri tek pasuritë e mëdha me shumë kate dhe nuk ka bërë një punë në jetën e vet, do të duhet të justifikojë pasuritë, ose përndryshe do të kalbet në burg", premtoi Rama.
Gjatë bisedës Rama u pyet edhe për protestën e opozitës ndaj kandidaturës së Gramoz Ruçit si kryetar Kuvendi. "Unë do isha shumë i keqardhur nëse kjo do ndodhte, sepse kjo do ishte shenja e parë që opozita nuk ka kuptuar asgjë se çfarë ka ndodhur në këtë vend dhe çfarë ka ndodhur në 25 qershor", tha ai. "Kush ndihet i provokuar nga cilido qoftë, përfshirë dhe Gramozin, në emër të të përndjekurve dhe nuk është ndjerë i provokuar 27 vjet me Saliun në krye të Partisë Demokratike, për mua është thjesht një hipokrit që nuk meriton asnjë respekt dhe asnjë vëmendje", tha më tej Rama. Sa i përket marrëveshjes me opozitën në 18 maj, Rama ka lënë të kuptohet se mund të ketë një përsëritje. "Kjo mbetet për t'u parë, për t'u diskutuar. S'kam ndonjë paragjykim lidhur me këtë. Besoj që pavarësisht se ka pasur disa aspekte negative, sidomos në raport me individë që janë penalizuar pa të drejtë në një proces pak të rrëmujshëm, marrëveshja dhe çfarë solli ajo kanë qenë një e mirë e madhe për vendin", tha Rama. Sa i përket opozitës së LSI- së, Rama tha se, "kjo është një gjë që mbetet për t'u parë në veprim, sepse nuk është njësoj si Partia Demokratike. Është një tjetër lloj qenieje dhe një tjetër lloj tërësie arsyesh pse LSI- ja është në opozitë". Ndërkohë pas mbledhjes me kabinetin, Rama shkroi në "Twitter": "Gati për të nisur rrugën e re. Lehtësim drastik i burokracisë për qytetarët& biznesin. Fuqizim i shërbimeve. Rritje ekonomike mbi 5% në 2019".