Kanabisi, Basha: Rama luftë imagjinare, pasoja për shqiptarët
CDU dhe KAS, mbështetje PD- së në opozitë: Ndihmë për alternativën qeverisëse "Ruçi e Xhafaj, të lidhur me krimin e organizuar" Patozi: Më e rëndë Ruçi kryetar apo Topalli armike?
Kryetari i PD, Lulzim Basha, u është kthy er akuzave ndaj qeverisë për trafikun e drogës, duke e cilësuar absurd qëndrimin e kryeministrit se problemi i kanabisit në vend është një kapitull i mbyllur. Ndryshe nga kryeministri Rama, që e cilëson një kapitull të mbyllur çështjen e kanabisit në Shqipëri, Lulzim Basha shprehet se droga shqiptare dhe krimi i organizuar është kthyer në problem politik për Bashkimin Europian. "Njeriu që për tre vjet mohoi problemin e drogës në Shqipëri, duke bekuar kthimin e saj në vendin kryesor të drogës në Europë, sot befas deklaroi se e paska zgjidhur këtë problem. Askush nuk është arrestuar, asnjë drejtues i trafikut nuk është zbuluar, asnjë organizatë trafikantësh nuk është goditur, asnjë rezultat konkret nuk ka pasur në asnjë drejtim. Por kryeministri ka shpallur fitoren e luftës që nuk ka ndodhur", u shpreh kreu i PD- së. Për Bashën, tani që droga shqiptare dhe krimi i organizuar është kthyer në problem politik për qeveritë europiane dhe BE- në, duke rrezikuar integrimin e Shqipërisë dhe kthimin e vizave për shqiptarët, Edi Rama nuk mund ta fshehë dot më, "ndaj dhe ka vendosur ta pranojë dhe menjëherë të shpallë fitoren e luftës imagjinare ndaj saj. Por, nga ana tjetër promovon Gramoz Ruçin, të cilit që nga viti 2005 qeveria amerikane i ka refuzuar hyrjen në SHBA për shkak të përfshirjes në krimin e organizuar dhe trafikun e drogës dhe Fatmir Xhafajn, i përfshirë në mbrojtjen e të vëllait të dënuar nga Italia për trafikun ndërkombëtar të kokainës", theksoi z. Basha. Në profilin e tij në "Facebook", kryetari i partisë më të madhe të opozitës vlerëson se vendi ndodhet përballë një loje të rrezikshme. "Inkurajim për trafikantët dhe kriminelët që vazhdojnë të patrazuar dhe shkurajim për policët e ndershëm dhe të gjithë shqiptarët që duan ta luftojnë drogën. Është një lojë që do ketë pasoja për shqiptarët dhe të ardhmen e Shqipërisë", nënvizoi Basha. Ai garantoi se, "ne nuk do ta ndalim asnjë ditë betejën kundër kësaj të keqeje që ka pllakosur vendin, demokracinë dhe ekonominë tonë".
Partia Kristian Demokrate gjermane dhe Fondacioni ' Konrad Adenauer' do të mbështesin PD në aksionet e saj opozitare. Joakim Falenski, këshilltar i lartë i grupit parlamentar CDUCSU, në Bundestag, pati një bashkëbisedim me deputetët e Partisë Demokratike në lidhje me mbështetjen për strategjinë dhe aksionin përballë qever
isjes dhe për rrugën e ardhjes në pushtet. Në takim mori pjesë dhe kryetari Lulzim Basha, i cili shprehu mirënjohjen për mbështetjen e CDU, ndërsa tha se Partia Demokratike do të angazhohet për ta thelluar bashkëpunimin në çdo drejtim. Kryetari Lulzim Basha tha se krahas betejës së përditshme kundër keqqeverisjes, krimit dhe drogës, Partia
Demokratike do të konsolidojë alternativën e saj qeverisëse me mbështetjen dhe bashkëpunimin e ngushtë me partitë simotra europiane. "Në prioritetet kryesore të Partisë Demokratike - tha Basha - renditet reforma e plotë zgjedhore, që do të bëjë të mundur garantimin e votës së lirë e të ndershme, asgjësimin e shitblerjes së votës dhe dhënies fund një
herë e mirë të manipulimit të vullnetit të qytetarëve". Ndër të tjera, kryetari i opozitës theksoi se krahas betejës së përditshme kundër keqqeverisjes, krimit dhe drogës, Partia Demokratike do të konsolidojë alternativën e saj qeverisëse me mbështetjen dhe bashkëpunimin e ngushtë me partitë simotra europiane e në veçanti me CDU- në gjermane.
Ish- deputeti i PD, Astrit Patozi, ngre pyetjen për antikomunistët e tërbuar të 2017- ës, sikur i cilëson ai, se cili fakt është më i rëndë, që Ruçi do jetë kryetar Kuvendi, apo që Topalli u la jashtë nga Basha dhe u shpall armike e popullit. Reagimi i Astrit Patozit erdhi pas deklaratave nga Basha dhe eksponentë të PD kundër Gramoz Ruçit në krye të Kuvendit dhe Xhafajt te Ministria e Brendshme.
"NJË PYETJE TË THJESHTË PËR ANTIKOMUNISTËT E 2017- ës
Një pyetje të thjeshtë kam për të gjithë antikomunistët e tërbuar, që thuhet se mezi po presin datën 9 shtator për të shprehur dhe shpalosur revoltën e tyre: Kush është më e rëndë për ju, fakti që Gramoz Ruçi, me propozim të drejtpërdrejtë të Edi Ramës, nga deputet i përjetshëm i së majtës, që nga viti 1991, dhe së paku në 8 vjetët e fundit kryetar i grupit parlamentar të Partisë Socialiste, do të bëhet kryetar i Kuvendit të Shqipërisë? Apo që Jozefina Topalli, me propozim të kryetarit të ngrirë ( shkrirë) të Partisë Demokratike, nga deputete e përjetshme e së djathtës, që nga 1996- a e këtej ( 8 vjet prej tyre kryetare parlamenti), të shpallet armike e popullit, spiune e Sigurimit të Shtetit, e korruptuar, etj., etj., se nuk dua t'i përmend të gjitha çfarë janë thënë e shkruar për të, në mungesë dhe me porosi të fitimtarit plebishitar të 22 korrikut?", shprehet z. Patozi.