Tabaku: Si e gënjyen me legalizimet për t'i marrë votën

Deputetja e PD publikon mesazhin e qytetarit

e PD- së, Jori da Tabaku, publikoi dje mesazhin e qytetarit për deputeten socialiste, sipas së cilës i premtuan legalizime, por i gënjyen për t'u marrë votën. Tabaku publikoi mesazhin e një qytetari, dërguar deputetes Elona Gjebrea, fill pas nisjes së zbatimit të projektit për rehabilitimin e Lanës. Gjatë fushatës, banori zbulon se u janë premtuar legalizimet, ndërkohë që sot po u shemben shtëpitë. "I gënjyen për t'u marrë votën e sot i dhunojnë e arrestojnë për t'u shkatërruar pronën. Patëm shumë diskutime gjatë kësaj fushate për përdorimin e policisë, Hipotekës, legalizimeve për qëllime elektorale. Të gjitha paskan qenë të vërteta. Këta qytetarë qenkan gënjyer me legalizimet", reagon Tabaku. Po dje Institucioni i Avokatit të Popullit njoftoi se ka nisur hetimin administrativ në lidhje me procedimin nga ana e Inspektoratit Kombëtar për Mbrojtjen e Territorit ( IKMT) për prishjen e disa ndërtimeve private, në zbatim të një projekti infras- trukturor në Shkozë të Tiranës. "Përfaqësues të Avokatit të Popullit kanë ndjekur ditën e djeshme në terren procedurat që po kryhen nga IKMT dhe Policia e Shtetit në zonën e Shkozës. Gjithashtu, nga ana e përfaqësuesve të institucionit tonë është marrë kontakt me qytetarët e prekur nga projekti i mësipërm. Sipas tyre, IKMT ka njoftuar para disa ditësh për prishjen e banesave të ndërtuara pas vitit 1991, për të cilat ata kishin kryer vetëdeklarim. ALUIZN- i Tiranë sipas tyre, vetëm para pak ditësh i kishte njoftuar se ndërtimi i tyre nuk do të trajtohej me leje legalizimi", thuhet në njoftimin e AP- së.