Mblidhet KLD, Meta: Bashkëpunim për zbatimin e ligjit të vetingut
Vrasja e Liljana Rukos, inspektim për gjyqtarin e Fierit Hoxha: Ndihmë komisioneve për vlerësimin e gjyqtarëve
Presidenti i Republikës, Ilir Meta, drejtoi dje për herë të parë mbledhjen e Këshillit të Lartë të Drejtësisë, e cila nisi me diskutimin për vetingun dhe dhunën në familje. Pas mbledhjes që zgjati për gati 2 orë, Presidenti Meta u shpreh: "Mbledhja përfundoi me një kohë të shpejtë, që do të thotë se vullneti për bashkëpunim, për të plotësuar të gjitha detyrimet që ka ky institucion deri në krijimin e institucioneve të reja kushtetuese është maksimal dhe në kuadër të përshpejtimit të zbatimit të reformës në drejtësi dhe sidomos të zbatimit të ligjit të vetingut, por njëkohësisht edhe në drejtim të përballimit të sfidave që ka funksionimi aktual i sistemit gjyqësor, që natyrisht ka vështirësitë e veta drejt kalimit në një sistem plotësisht të ri". I pyetur se cilat ishin shqetësimet e KLD- së në lidhje me pikën e parë të rendit të ditës që ka lidhje me veting- un, Meta tha: "Natyrisht që ky është një proces plot sfida dhe vullneti është maksimal për të bashkëpunuar me institucionet e reja të vetingut, por edhe me EURALIUS dhe OPDATin që asistojnë në këtë proces".
Më pas në njoftimin zyrtar të KLD- së thuhet se Këshilli shprehu gatishmërinë për të dhënë kontributin e tij brenda kornizës ligjore në fuqi në bashkëpunim të ngushtë me Komisionin e Pavarur të Kualifikimit dhe Kolegjin e Posaçëm i Apelimit, me qëllim përshpejtimin e pro-
cesit të rivlerësimit kalimtar të gjyqtarëve. Në kuadër të nismës së Presidentit të Republikës për të raportuar mbi ndjekjen e detyrave të vendosura nga KLD, për procedurat që duhet të ndiqen nga gjykatat, në çështjet e lëshimit të urdhrave të mbrojtjes, për viktimat e dhunës në familje,
anëtarët e Këshillit pasi shqyrtuan informacionin e ardhur nga Inspektorati, vendosën që në mbledhjen më të afërt të analizojnë informacionin që u është kërkuar gjykatave nën juridiksionin e KLD- së në lidhje me çështjet që lidhen me fenomenin shqetësues të dhunës në familje. Kjo çësh- tje u diskutua nisur nga vrasja e gjyqtares Fildez Hafizi dhe Liljana Ruhos. Bazuar në përcaktimet e rendit të ditës, anëtarët e KLD- së shqyrtuan raportin e Ministrisë së Drejtësisë mbi kryerjen e hetimit administrativ për verifikimin e procedurave të lëshimit të urdhrit të mbrojtjes nga Gjykata e Rrethit Gjyqësor. Fier. për shtetasen L. R.. Duke mbajtur në konsideratë ndjeshmërinë që ka në opinionin publik fenomeni i dhunës në familje, Këshilli vendosi të kryejë një inspektim tematik për gjyqtarin e Gjykatës së Rrethit Gjyqësor, Fier, E. S.. Pas mbledhjes, në një deklaratë për mediat, gjyqtari Gerd Hoxha, kryetari i Bordit Drejtues të Unionit të Gjyqtarëve tha se KLD shprehu gatishmëri për të dhënë ndihmesën e saj për komisionet, që procesi i vlerësimit të gjyqtarëve të vijojë sa më shpejt dhe shqiptarët do të ndihen më të mirë dhe gjyqtarët më të lirë nga presioni. Pranë Këshillit të Lartë të Drejtësisë kanë dorëzuar formularët e vetëvlerësimit profesional 466 gjyqtarë e ndihmësligjorë që nga Shkalla e Parë deri në Kushtetuese. Vështirësia themelore - thonë inspektorët - lidhet me mungesën e udhëzimeve për procedurat e detajuara që duhet të ndiqen për rivlerësimin profesional të gjyqtarëve.