Sekuestrohet një apartament në Tiranë me vlerë rreth 42 mijë euro
Në bashkëpunim me dy të tjerë kreu 35 grabitje banesash, qëllim kishin bizhuteritë Gjon Gjezaj, i akuzuar në Spanjë për pastrim parash
Gjykata e Kurbinit sekuestroi një apar tament në Tiranë, në pronësi të shtetasit Gjon Gjezaj, i cili është arrestuar në Spanjë për vjedhje dhe pastrim parash. Sekuestrimi i kësaj pasurie u bë me kërkesë të prokurorisë së Kurbinit, pasi në bazë të informacionit policor, si dhe të dhënave nga autoritetet spanjolle, organi i akuzës ka kryer hetimet për pastrim të produkteve të veprës penale. Në bazë të veprimeve procedurale, janë zbuluar tri kontrata porosie për blerje apartamentesh në Tiranë, me vlerë totale rreth 130 mijë euro. Gjithsesi, nga hetimi i prokurorisë ka rezultuar se pronë faktike është vetëm një apartament, me vlerë 41.800 euro në zonën e Kasharit në Tiranë. Ndërsa dy kontratat e tjera të porosisë i referohen dy apartamenteve, të cilat nuk ekzistojnë, pasi firma e ndërtimit ka falimentuar. Për këtë arsye, nuk kishte mundësi efektive për të bërë sekuestro, pavarësisht se në kon- tratat e porosisë për këto dy apartamente rezulton se janë kryer pagesat përkatëse. Për këtë rast, prokuroria e Kurbinit e ka nisur hetimin që në muajin mars të këtij viti.
KUSH ËSHTË GJON GJEZAJ
Gjon Gjezaj rezulton i arrestuar në Spanjë për vjedhje dhe pastrim parash. Sipas mediave spanjolle, ai është pjesë e një bande shqiptarësh, e cila akuzohet për grabitjen e të paktën 35 banesave të dokumentuara në zonën e A Coruña, ku si qëllim kryesor kishin gra- bitjen e bizhuterive me vlera të mëdha. Grabitjet janë kryer mes datave 6 nëntor 2015 dhe 14 mars 2016. Mediat spanjolle shkruajnë se pjesë e bandës janë edhe sh- qiptarët Emilian Gjezaj dhe Anastas Osmani. Të 3 janë dënuar gjithsej me 7 vjet burg, 6 për vjedhje të vazhdueshme dhe 1 vit për pjesëmarrje në një grup kriminal. Ndërkaq, të tre shqiptarëve iu është ulur dënimi, pasi kanë pranuar të bashkëpunojnë me hetuesit spanjollë. Gjithashtu, në këmbim të lirimit ata duhet të kryejnë pagesa 100% për kompensimin e viktimave që kanë grabitur në një shumë prej 48 mijë eurosh, nga të cilat mësohet të jenë paguar 27.430 euro. Ndërkohë, midis dëmeve që ata duhet të paguajnë janë edhe shkatërrimet e dritareve apo dyerve, në momentin që hynin në banesa. Sipas marrëveshjes të arritur me të akuzuarit, pasi të kryejnë të gjitha detyrimet, përfshirë edhe ato të gjyqit, të 3 shqiptarët do lirohen në mars të vitit 2018, do dëbohen nga Spanja dhe nuk kanë të drejtë rihyrjeje për një periudhë 10- vjeçare.