Legalizimet, 400 përfituesit që kanë gati lejen
Dosja për marrjen e tapisë dorëzohet nga Agjencia e Legalizimeve në Hipotekë ALUIZNI: Ja kush përfiton në Vlorë dhe zonat përreth
ALUIZNI publikon listën me 400 perso na që kanë ndërtuar pa leje dhe kanë lejen e legalizimit. Përfituesit janë në Vlorë. ALUIZNI Vlorë publikon listën me 380 persona që kanë gati lejen e legalizimit të banesave të tyre. ALUIZNI- t njofton qytetarët se duhet të paraqiten pranë zyrave të ALUIZNI- t Vlorë për të tërhequr lejen e legalizimit. Ndërkohë që procedurat për marrjen e dokumentit të pronësisë do të ndiqen nga AULIZNI, i cili dorëzon dosjen e plotë në Hipotekë. Menjëherë pas regjistrimit të certifikatës së pronësisë përfituesit do të njoftohen për tërheqjen e saj. "Pas ndryshimeve të fundit ligjore, qytetari do të marrë një kopjet e lejes së legalizimit për të vërtetuar mbarimin e procesin të legalizimit, por gjithë procedura vijuese për regjistrimin në Zyrën e Regjistrimit të Pasurive të Paluajtshme do të bëhet nga Agjencia. Në listën e mësipërme, përfshihet edhe një numër qytetarësh, leja e legalizimit e të cilëve ka qenë përgatitur prej kohësh, por ata nuk janë paraqitur për t'i tërhequr ato. Duket disi e çuditshme që, nga njëra anë, shumë qytetarë kërkojnë për- shpejtimin e procesit të legalizimit, ndërsa, nga ana tjetër, ndeshemi me fenomenin e kundërt, me qytetarë që me gjithë përfundimin e procesit të legalizimit, nuk paraqiten për të tërhequr lejen e legalizimit",- thuhet në njoftimin e ALUZINI- t. Drejtoria e ALUIZNI- t Vlorë ndërkaq lajmëron qytetarët e interesuar se gjatë kësaj periudhe puna e saj po përqendrohet në zonat e brendshme të qytetit dhe veçanërisht në ato përgjatë Pyllit të Sodës. Të gjithë qytetarët e këtyre zonave, ftohen të plotësojnë dokumentet e kërkuara nga Agjencia dhe të mbështesin punonjësit gjatë procesit të punës.