"Luarasi", ceremonia e diplomimit
STUDENTËT, MES FIGURAVE TË DIJES NË VEND/ Nikolla: Vlerësim maksimal për këtë institucion elitar Arben Malaj: Kolegji formon liderët e së ardhmes
Me
një ceremoni madhështore u realizua ditën e djeshme diplomimi i studentëve të Kolegjit Universitar "Luarasi", ku kanë qenë të pranishëm disa nga figurat më të shquara të dijes në Shqipëri. Kjo ceremoni është çelur me leximin e fjalës së gjeniut të letrave, Ismail Kadare, në të cilën ai uronte studentët për diplomimin dhe vitin e ri akademik. E pranishme në eventin e këtij institucioni arsimor elitar ka qenë edhe ministrja e Arsimit, Kulturës dhe Sporteve, e cila shprehu një vlerësim maksimal për investimin që po bën familja Hysenbelliu, për një arsim të lartë, cilësorë, me standarde europiane, pasi kujdeset që çdo emër që del nga kjo godinë, të jetë i suksesshëm në të ardhmen. "Të ndjehemi krenarë për këtë godinë të standardeve evropiane, për të bërë të mundur që të gjithë ne ndjehemi po ashtu krenarë kur institucione prestigjioze që akreditojnë ' Luarasin' apo institucione të tjera çdo ditë e më shumë pohojnë se kemi të bëjmë me një staf akademik të përkushtuar me standarde evropiane", - tha Ni- kolla. Rektori i Kolegjit Universitar "Luarasi" në fjalën e tij tha se familja Hysenbel- liu ka bërë një investim të jashtëzakonshëm që "Luarasi" të jetë një investim i për- jetshëm në sistemin arsimor shqiptar. "Sot është dita e mirënjohjes për prindërit dhe të afërmit e studentëve, të cilët kanë investuar, shpesh edhe duke sakrifikuar për mirarsimimin e fëmijëve të tyre, për themeluesit, për investitorët dhe për bordin e ' Luarasit', të cilët na kanë dhënë mbështetjen maksimale që të jemi të gjithë së bashku të suksesshëm", - u shpreh rektori. Ai theksoi se "Luarasi" dallon nga institucionet e tjera arsimore, pasi u jep mundësinë studentëve që të punojnë e të njohin tregun e punës që në bankat e shkollës. Ky Kolegj Universitar elitar ka si synim të formojë jo thjesht profesionistë, por liderë të së ardhmes. "' Luarasi' është themeluar me një pikësynim të vetëm: përgatitjen profesionale e cilësore të studentëve në nivele bashkëkohore, kodi moral, parimet dhe synimet e themelimit janë ndjekur në vazhdimësi gjatë 14 viteve dhe i kanë dhënë shkollës një emër të nderuar dhe besueshmëri në opinionin publik dhe në tregun e arsimit", - tha në fjalën e tij prof. dr. Aleks Luarasi.