BE: Marrëveshja e demarkacionit Kosovë- Mali i Zi duhet të ratifikohet
Malin e Zi ka përfunduar", ndërsa mospajtimet në Kosovë rreth kësaj çështjeje janë çështje e brendshme e Kosovës. Mediat në Mal të Zi citojnë kryetarin e Komisionit malazez për Shënimin e Kufirit, Milan Paunoviç, të ketë thënë se, "situata në lidhje me kufirin Kosovë- Mali i Zi do të zgjidhet sipas marrëveshjes tashmë të arritur ndërmjet dy palëve". "Pavarësisht raportimit të mediave në Kosovë për shkarkimin e komisionit për caktimit e kufirit me Malin e Zi, marrëveshja e demarkacionit mes dy vendeve është ajo që është arritur para dy viteve", citohet të ketë thënë Milan Paunoviç, duke shprehur bindjen se, "në Kosovë do të gjendet një marrëveshje politike për ratifikimin e marrëveshjes". Veprimin e parë të kryeministrit Haradinaj, që shkarkoi komisionin e demarkimit të kufirit me Malin e Zi, nuk e kanë komentuar askush nga prania ndërkombëtare në Kosovë. Mirëpo, në interesimin e mediave, ambasada amerikane vazhdon të mbajë qëndrimin në mbështetje të marrëveshjes së nënshkruar ndërmjet Kosovës dhe Malit të Zi në vitin 2015. Një komision i Departamentit të Shtetit amerikan pati konstatuar se "marrëveshja e demarkacionit Kosovë- Mali i Zi është në rregull".
VIJA KUFITARE MES KOSOVËS DHE MALIT TË ZI
"Shtetet e Bashkuara të Amerikës e mbështesin marrëveshjen e arritur për demarkacionin e kufirit ndërmjet qeverive të Kosovës dhe Malit ë Zi në vitin 2015, me të cilën asnjëra nga shtetet nuk humbasin territor. Ne presim që kjo çështje të zgjidhet shpejt, duke ruajtur marrëdhëniet konstruktive dhe shumë pozitive ndërmjet dy vendeve", thuhet në përgjigjen për medie të ambasadës së SHBA- ve në Prishtinë.
ÇËSHTJA E KOMUNAVE ME SHUMICË SERBE
Sidoqoftë, kryeministri i ri i Kosovës, Ramush Haradinaj, tashmë ka përpara dy tema shumë të ndjeshme, që kërkojnë zgjidhje, "është ratifikimi në parlamentin e Kosovës i marrëveshjes së demarkacionit me Malin e Zi dhe themelimi i asociacionit të komunave me shumicë serbe", marrëveshje kjo e dakorduar në dialogun Kosovë- Serbi dhe e precizuar që të themelohet në marrëveshjen e 19 prillit 2013, ndërmjet kryeministrave të atëhershëm të Kosovës, Hashim Thaçi dhe atij të Serbisë, Ivica Daçiç. Hashim Thaçi, tashmë President i Kosovës, tha të enjten në një bashkëbisedim me shoqërinë civile se, "sa më shpejt të themelohet asociacioni i komunave me shumicë serbe, do të jetë më mirë", duke siguruar që ky asociacion duhet të themelohet në bazë të Kushtetutës së Kosovës. Sidoqoftë, zyrtarë të lartë të BE- së, e fundit zëvendësdrejtoresha menaxhuese për Evropën dhe Azinë Qendrore dhe drejtoreshë për Evropën Perëndimore, Ballkanin Perëndimor dhe Turqinë në Shërbimin e Jashtëm Evropian, Angelina Eichhorst, i rikujtuan qeverisë së Kosovës, të udhëhequr nga Ramush Haradinaj punët dhe reformat që duhet të bëjë kjo qeveri në integrimet e Kosovës drejt BE- së. "Presidenti i KEsë, Juncker ka dhënë një deklaratë shumë të fuqishme, e cila ndërlidhet edhe me të qenit unik si BE dhe ka cekur rëndësinë që ka për BE- në sundimi i ligjit dhe të drejtat fundamentale dhe që i referohen edhe rëndësisë posaçërisht kur i referohet Ballkanit Perëndimor. Është një përkrahje e parezervë për perspektiven evropiane për Ballkanin Perëndimor. Mendoj që ka ardhur koha që njerëzit që jetojnë në Kosovë ta ndjejnë këtë përkushtim fuqimisht", tha në fund të vizitës së saj në Kosovë, Angelina Eichhorst.