Vërejtjet e OSBE- ODIHR, Zguri: KQZ gati për zbatimin e rekomandimeve
"Raporti s'është ‘ buqetë me lule’ për asnjë nga aktorët e zgjedhjeve" "Paketë me propozime për zgjidhjen efikase"
Politika ende nuk e ka gjetur dakordësinë për nisjen nga puna për reformën zgjedhore, por KQZ shprehet e gatshme për t'u bërë pjesë e këtij procesi. Pak orë pas publikimit të raportit të OSBE- ODIHR- it me rekomandimet përkatëse, kryetari i KQZ- së Klement Zguri garantoi se komisioni është gati të marrë parasysh të gjithë vërejtjet duke nisur me zbatimin e rekomandimeve sipas raportit të OSBE- ODIHR. Sipas Zgurit, raporti nuk është "buqetë me lule" për asnjë nga aktorët e zgjedhjeve në Shqipëri. "Për
të gjithë, përfshirë KQZ- në, ai është mjet pune, është udhërrëfyes. Ndaj pjesa më e rëndësishme e tij ngelen gjithmonë vërejtjet, kritikat dhe rekomandimet", theksoi kreu i KQZ- së. Zguri garantoi se KQZ do t'i marrë ato seriozisht si çështje prioritare të agjendës së vet për të analizuar problematikën e hasur gjatë procesit zgjedhor dhe për të hartuar një
paketë me propozime për zgjidhjen sa më efikase të tyre. "Për rastet e evidentuara në raport si: "KQZ nuk mori masa të qartësonte kundërshtitë ( ligjore) lidhur me reklamat elektorale në median audiovizive ( private)", KQZ ka vepruar dhe do të veprojë me rigorozitet në zbatim të kuadrit ligjor në fuqi, në këtë kontekst, edhe pse KQZ nuk mund të sillej si instance eprore e parlamentit, mekanizmi ligjor që lejon KQZ- në të qartësojë kundërshtitë, nuk u vu në lëvizje, pasi palët ( partitë politike dhe operatorët radiotelevizivë), gjetën zgjidhje alternative. Për sa i takon konstatimit se; "KQZ- ja nuk mbajti qëndrim të njëllojtë në vendosjen e sanksioneve për shkeljet e kuotës gjinore në listat e kandidatëve", sqarojmë se vendimet e KQZsë me sanksionet administrative nuk janë përmbyllur dhe jemi ende brenda afateve ligjore për vendimmarrjen. Gjithsesi, pavarësisht nga leximi i ndryshëm i këtyre dy situatave faktike, të gjitha vërejtjet e raportit janë material i çmuar reference për sot dhe për nesër. Si kryetar i KQZ- së e siguroj opinionin publik se menjëherë pas zgjedhjeve, institucioni që unë drejtoj, ka nisur punën për riaktivizimin e projektit për ngritjen e Qendrës së Trajnimeve, e cila do të ofrojë trajnime të rregullta dhe do certifikojë anëtarët potencialë të KZAZ- ve, KQVve dhe grupeve të numërimit, për të krijuar radhën e administratorëve të certifikuar zgjedhorë ( rekomandimi 9)", deklaroi z. Zguri. Ai bëri të ditur se Qendra e Trajnimeve do ketë në kurrikulën e vet, ndër të tjera, cikle të posaçme trajnimi për votuesit romë, egjiptianë, si dhe për për- faqësuesit e pakicave kombëtare ( rekomandimi 18). KQZ po bashkëpunon intensivisht me donatorët dhe ekspertë të fushës, me qëllim që të bëjë gati pa vonesë aktet e nevojshme nënligjore për një metodologji të shëndetshme të raportimit financiar dhe për akses të plotë në informacionin për financat e fushatës, përpara dhe pas datës së zgjedhjeve ( rekomandimi 16). "Në këtë kuptim, raporti e gjen KQZ- në gati, të përgatitur dhe optimiste për një reformë gjithëpërfshirëse zgjedhore", tha Zguri.