Vendimi i Bordit paralajmëron UT: Keni një vit afat për vlerësimin

Mjekësia dhe "Fan Noli" i Korçës renditen më lart se institucionet e tjera shtetërore Agjencia reagon pas raportit britanik

Agjencia e Sigurimit të Cilësisë në Ar simin e Lartë vendoi t'i japë vetëm 1 vit akreditim Universitetit Shtetëror të Tiranës, çka e renditi si universitetin më të dobët. Në faqen zyrtare të agjencisë, janë renditur të gjitha universitetet publike dhe private në vend, e bashkangjitur dhe vitet që ata do të jenë të akredituar. Ndërkaq vendimet për pjesën tjetër të universiteteve private, do të merren në intervalin tetordhjetor, që do të shënojë fundin e procesit të akreditimit. Ajo çka vlen të theksohet është renditja në fund të listës, pra në vend të 12- të, e Universitetit të Tiranës, i cili ka plotësuar vetëm 15% të standardeve. Pas tij, në vend të 11 renditet Universiteti "Luigj Gurakuqi" i Shkodrës me dy vjet akreditim nga gjashtë, pastaj vijojnë Universiteti Politeknik, universiteti "Aleksandër Xhuvani" në Elbasan, Universiteti i Sporteve, universite- ti "Ismail Qemali" në Vlorë, universiteti "Eqerem Çabej" në Gjirokastër, me gjysmën e kritereve me 3 vjet nga 6 vjet akreditim, që përllog- aritet 50% të standardeve të plotësuara. Ndërsa me stadarde më të larta, përafërsisht 70%, të renditur në grupin tjetër hyjnë 3 univer- sitete: Universiteti Bujqësor i Tiranës, universiteti "Aleksandër Moisiu" në Durrës dhe Universiteti i Arteve. Universitetet shtetërore me standarde më të larta, rreth 80% e të akredituar për 5 vjet nga 6 që është maksimumi, janë: Universiteti i Mjekësisë së Tiranës, dhe universiteti "Fan Noli" i Korçës. Është hera e parë që universitetet shtetërore futen në procesin e akreditimit e në bazë të statistikave, asnjë prej këtyre 12 universiteteve nuk ka mundur të plotësojë të gjitha standardet, çka i mban larg standardeve ligjore europiane. "Bordi i Akreditimit, pasi ka marrë në shqyrtim dokumentacionin për Universitetin e Tiranës, vendosi "Akreditimin Institucional të Institucionit të Arsimit të Lartë, "Universiteti i Tiranës" me kohëzgjatjen prej 1 ( një) viti akademik. Afati përfundimtar i vlefshmërisë së akreditimit institucional është 30/ 09/ 2018."- thuhet në vendimin e mbledhjes së mbledhjes 21- 22 shtator 2017 të Agjencisë së Sigurimit të Cilësisë në Arsimin e Lartë. Gjithashtu, Bordi i Akreditimit ka listuar një sërë rekomandimesh për Universitetin e Tiranës të identifikuar nga ekspertët e grupit të vlerësimit të renditura sipas prioritetit kohor të adresimit nga ana e tij. Ndërkohë, universitetet private janë me 5 ose 6 vjet akreditim në grupin e universiteteve deri më tani. Akreditimi është një bazë e mirë për shoqërinë dhe aktorët institucionalë për të përmirësuar sistemin dhe është një bazë e mirë për prindërit dhe studentët për të dalluar se në cilin universitet të shkojnë.