Fituesit e Ekonomikut në raundin e dytë, lista

Nisin regjistrimet në 1 tetor, sërish shtatë faza 48- orësh secila Kush fiton në 5 programet e studimit

Fakulteti Ekonomik i Universitetit të Ti ranës ka shpallur studentët fitues për raundin e dytë në degët e tij, për vitin akademik 2017- 2018. "Gazeta Shqiptare" publikon sot listat fituese për pesë programet e studimit që ofron ky fakultet në Tiranë si dhe për filialin e degës Administrim Biznes në Sarandë. Ashtu si në raundin e parë, aplikuesit figurojnë me numër identifikimi dhe të renditur në bazë të pikëve përkatëse që kanë grumbulluar. Specifikisht në degën Financë ka pasur vetëm 12 kuota të lira nga përfundimi i raundit të parë, në degën Administrim Biznes janë shpallur fitues 21 studentë, e në programin Informatikë Ekonomike 23 maturantë fitues. Ndërsa 40 emra fitues janë publikuar në programin e studimit Ekonomiks dhe në degën Administrim Biznes në Sarandë ka pasur 36 fitues. Secili kandidat si në universitetet publike dhe private në Shqipëri mund të aksesojë prej datës 1 tetor në portalin U- Albania duke shkuar në adresën ualbania. arsimi. gov. al ku mund të ndjekë udhëzimet për të vijuar më tej me procedurat. Pas kësaj do të fillojë procesi i regjistrimit për raundin e dytë, që do të kryhet në sekretaritë mësimore përkatëse në datat 1 tetor - 14 tetor ku raundi do të përbëhet nga 7 faza 48- orësh secila. Edhe këtë herë studentët duhet të jenë të kujdesshëm dhe të ndjekin në kohë reale lëvizjen e vijës së kuqe, sepse mund të lirohen vende të lira gjatë regjistrimit të fituesve në një degë të parapëlqyer, çka mund ta shpallë fitues aplikantin tjetër. Në bazë të udhëzimit të publikuar në faqen zyrtare të Ministrisë së Arsimit, viti i ri akademik 2017- 2018 në institucionet e arsimit të lartë, do të fillojë në datën 16 tetor 2017 dhe do të përfundojë në datën 30 shtator 2018. Ndërsa periudha 25 dhjetor 2017 deri në 5 janar 2018 do të jetë periudhë pushimesh për studentët.