Lulzim Basha: Rritja e TVSH- së çmenduri, do falimentojë biznesin
Kreu demokrat takon pronarë të biznesit të vogël në Paskuqan: Bashkohuni "Rama nuk ndjen detyrim për qytetarët, por për kriminelët"
Kryetari i Partisë Demokratike, Lul zim Basha, takoi dje përfaqësues të biznesit të vogël, lidhur me projektin e qeverisë Rama për përfshirjen e tyre në skemën e pagesës së TVSH. Tregtarët e vegjël, me biznes kryesisht familjar në zonën e Paskuqanit, thanë se futja e tyre në skemën e TVSH do të sjellë kosto shtesë për ta, rritje çmimesh, dhe pamundësi për të mbajtur aktivitetin, pasi edhe me çmimet aktuale ata mezi ia dalin të mbyllin muajin. Basha theksoi se ai dhe Partia Demokratike do të luftojnë që kjo çmenduri të mos ndodhë dhe kërkoi bashkimin e biznesit të vogël në këtë betejë. "Vijnë e na gjobisin. Ne nuk e çojmë mallin jashtë shtetit. Kontrabandën nuk e bëjmë ne, biznesi i vogël. Na vendosin 500 mijë lekë gjobë. E për çfarë?! Për një kupon. Mund ta bësh gabim kuponin nga 200, në 2 mijë lekë, por prapë të vënë gjobë. Kjo është për të mbyllur dyqanin. Më kanë borxh prej 2 vitesh, s'kanë lekë të më sjellin",- tha Xhevairi, një pronar i një dyqani materialesh ndërtimi. Festimi ka një bar buzë rruge, me të cilin jeton. Ai thotë se rritja e TVSh- së do e bëjë të mbyllë lokalin. "Nëse do rritet TVShja, do rris çmimet. Nga 500 lekë që e kam kafen do e çoj 700. Prapë populli do e hajë. Po e rrita çmimin s'ka për të ardhur njeri në lokal. Unë me thënë të drejtën kam qenë i majtë. Nuk jam i kënaqur fare. Nuk ecet më. 27 vite e tani po shkojmë poshtë. Nuk ecet më me mashtrime",- tha Festimi. "Ne kemi dalë sot t'u dëgjojmë. Ne këtë qëndrim kemi që rritja e TVSH- së do shkatërrojë biznesin e do rrisë çmimet. Për këtë arsye jemi kundërvënë, nuk është se po bëjmë politikë", - iu përgjigj Basha. Kreu i PD- së shpjegoi ndërkaq projektin e tij. "Ne qeverisë i themi ta bëjë biznesin e vogël me 12 milionë lekë të reja në vit xhiro, ose 120 milionë lekë të vjetra. 120 milionë e poshtë quhet bi- znes i vogël dhe pa TVSH. Ne jemi kundër rritjes së TVSHsë pikërisht se do rrisë çmimet e do falimentojë biznesi",- tha Basha. Ndërkohë më pas, kreu i PD- së, në një status në rrjetin social, "Facebook", shkroi: "Edi Rama nuk e ka ndërmend t'u vijë në ndihmë 30% të familjeve, që nuk blejnë dot ushqime, 39% të familjarëve, që nuk paguajnë dot faturat e dritave dhe ujit, 43% të familjeve, që nuk sigurojnë dot ngrohje për fëmijët". "Përkundrazi ai duke futur biznesin e vogël në skemën e TVSh, do të rrisë çmimet dhe vështirësojë edhe më shumë jetën për shqiptarët. Sepse Edi Rama nuk ndjen detyrim për qytetarët, vetëm për kriminelët që e mbajtën në pushtet. Prandaj çdo ditë të qeverisjes së tij ia kushton krimit dhe krimineleve, herë duke mbyllur sytë para hashashizimit të vendit, herë duke ndihmuar kriminelët të arratisen e herë duke fshehur urdhërarrestet ndërkombëtare për ta",- u shpreh kryedemokrati.