Reagimet e Greqisë, Mesila Doda: Jemi në një moment të rrezikshëm
Ish- deputetja e PDIU: Po rritet aktiviteti antishqiptar në rajon
ndoshta nga fakti i emërimit të zëvendësministrave nga Kosova në qeverinë "Rama 2", Pavlopulos vazhdoi: "Mirëpo, sjellje të aventurizmit ndërkombëtar si ato që po shohim tani së fundi ndërmjet Tiranës dhe Prishtinës janë sjellje të një shkeljeje brutale të të drejtave të njeriut, dhe kjo po ndodh me minoritetet apo, për shembull si me të drejtën e pronës. Faktikisht, për fat të keq, Shqipëria dëmton vetë procesin e anëtarësimit, dhe kjo nuk është përgjegjësia jonë". "Gjithsesi, ne nuk do të rrimë duarkryq ndaj sjelljeve të tilla. E kemi obligim edhe ndaj Greqisë, por edhe kundrejt Europës", - përfundoi Presidenti i Republikës greke, Prokopis Pavlopulos.
LIGJI
Javën që sapo u mbyll par- lamenti shqiptar miratoi mes debatesh ligjin për minoritetet. Ky ligj pati kundërshti nga ana e kreut të PBDNJ- së dhe atij të OMONIA- s, të cilët e kanë konsideruar hap prapa për minoritetin grek këtë ligj. "Do ta quaja fatale, nëse ky ligj do të shkonte nesër ose pasnesër për votim në parlament. Është një ligj që nuk i shton asgjë konventës- kuadër, por i heq, duke ia kaluar kompetencat Këshillit të Ministrave. Heq edhe shumë të drejta që ne i kishim nga konventa- kuadër e Këshillit të Europës", - tha Leonidha Papa, kryetar i shoqatës OMONIA, gjatë konsultimit të ligjit në prani edhe të ministrit të Jashtëm Ditmir Bushati. Ministri e justifikoi kalimin e ligjit me faktin se nuk do të ketë më të privilegjuar mes pakicave. Ish-
deputetja e PDIU- së, Mesila Doda reagoi dje ashpër ndaj qëndrimeve të autoriteteve greke ndaj Shqipërisë. Në një status të saj në rrjetin social "Facebook", Doda shkroi dje: "S'keni parë gjë akoma... Për këtë kam këmbëngulur se PDIU- ja, edhe sikur të mos ekzistonte do duhej të krijohej 10, 100, 1000 herë". "Tash që politikanët e Tiranës i lanë duart e kanë heshtur si fija e barit për çështjen çame, askush nuk guxon t'u përvishet këtyre pasardhësve të Zervës. I kërkojnë Shqipërisë respektimin e të drejtave të njeriut dhe vetë flenë mbi fëmijët e pleqtë e vrarë, në shtëpitë e grabitura, në pronat e dhunuara, mbi varret e paemër", u shpreh dje, ish- deputetja. "Jemi në një moment të rrezikshëm të historisë sonë. Të marrët, afruan PDIU- në si flinë e paqtimit... por grekët po i kërkojnë kusurin.
Për fat të keq po bëhemi dëshmitarë të rritjes së një aktiviteti antishqiptar në rajon, e tash nuk i duket se kanë më pengesa", u shpreh më tej, Doda, duke kritikuar edhe qëndrimin e qeverisë. "E sigurt është që koha nuk do ecë bashkë me dëshirat për pushtet e intrigë. Akoma më e sigurt është që këtë vend mund ta shpëtojnë vetëm njerëz të vërtetë, me dëshirë e përkushtim jo për pushtet, por për Atdhe", e mbylli ishdeputetja reagimin e saj, pas qëndrimeve të presidentit grek dhe ministrit të Jashtëm Kotzias. Ndërkohë, për çështjen çame ka propozuar një rezolutë deputeti shqiptar në Parlamentin Evropian, Ahmet Gjana. Por presioni grek duket se vazhdon të jetë i fortë, deri në atë pikë sa pala tjetër ka menduar të bëjë fushatë anti- çame.